Og meira af veislu Jóns Arnars

Þarna eru þeir frændur, Jón Örn og Friðrik Örn, sætir strákar ekki satt!!

Siggi, maður Erlu og hún Drífa sem er yngst af þeim systkynum og mjög japönsk í útliti...

Þarna eru svo skæruliðarnir Birta og Seimur sem höfðu ´svo hátt að fyrir rest var þeim komið í pössun hjá Höllu Dís og Helga.

Þessi er svo tekin í lokin þegar vinkonurnar voru að fara á djammið eftir matinn...

En nú verð ég víst að sinna amerísku gestunum mínum því ég er svo að fara að vinna klukkan þrjú. Læt vita af mér aftur eftir helgina fyrir austan og hafið þið það nú reglulega gott og skemmtilegt þangað til.. 

Doktor Jón Örn

Á Jónsmessunni náði Jón Örn þeim stóra áfanga í lífi sínu að útskrifast úr læknadeild Háskóla Íslands með láði. Hann vildi engin veisluhöld í tilefni dagsins svo það ákveðið að fara með hann á besta veitingarstað á Nesinu, Narfeyrarstofu. Hann var ánægður með það og kvöldið var einstaklega vel heppnað. Allar systur hans mættu nema Arna sem var með björgunarsveitinni í Hafnarfirði á Langasjó.

Ég var hálfþreytt, því ég fór beint úr vinnunni úr að borða

Þetta er Gerða næstelsta dóttir Friðriks og sonur hennar hann Seimur, algjör grallaraspói.

Og þetta er Sindri, maður Gerðu og Erla, sem er elst af þeim systkynunum. Kvöldið var mjög vel heppnað í alla staði og mér fannst erfitt að vakna í vinnuna daginn eftir.a 

Sumarblíða í Hólminum

Svona er ég búina að hafa það gott þegar ég hef átt frí

Þessi mynd er tekin þann 23. júní og ég átti laugina ein!

Ég fór upp á Súgandisey og var að bíða eftir að Friðrik kæmi úr Hvallátrum

Þarna siglir einhver inn, ofurlítil duggan!

Í heila viku hefur veðrið verið svona eins og þið sjáið á myndunum. Þetta er alveg frábært en því miður hef ég verið að vinna og nú á morgun er samt síðasta vaktin mín fyrir sumarfrí. Ég verð mikið feginn að komast í fríið og hef allan júlímánuðuð til að leika mér. Það er æðislegt !!!!!!!! !!!
Ég hef verið mjög löt undanfarið við að blogga en ætla að bæta út því núna áður en við förum austur í Kofa með Óla og Sólrúnu. Ég vona bara að ég verði þokkalega heppin með veðrið í fríinu

 

Halló, ég er ekki hætt að blogga, var bara löt

Ég er búin að vera löt að blogga undanfarið, bæði hefur veðrið verið leiðinlegt alveg þangað til í gær og svo hefur bara verið svo mikið að gera. Ég mætti í vinnuna á mánudaginn og var þar í sextán tíma. Við vorum á skyndihjálparmámskeiði fyrir þá sem vinna á sundstöðum til klukkan hálf tvö og rifjuðum upp kunnáttu okkar. Síðan var farið með okkur í laugina og þar æfðum við í innilauginni hvernig við ættum að snúa fólki sem flyti á grúfu og koma því upp á bakka  ásamt ýmsu öðru. En síðan var farið í útilaugina og þar lét kennarinn okkur æfa að bjarga fullorðnum manni (honum sjálfum) upp úr lauginni. Hann henti súrefniskúti í laugina og lagðis síðan í botninn  og notaði súrefnið meðan við vorum að finna hann. Við stukkum út í og köfuðum niður á botninn og náðum honum upp á yfirborðið og syntum með hann í land. Þá var að koma honum upp á bakkann og þetta er rúmlega hundrað kílóa maður og tveir metrar á hæð. Ég kom honum ekki nema til hálfs upp úr en maður verður að vona að lendi maður einhvern tíman í svona aðstæðum að einhver geti aðstoðað mann. Ég átti síðan kvöldvaktina og morgunvakt daginn eftir og var ansi þreytt eftir þessa daga. Á þriðjudaginn rigndi eins og aldrei hafi komið dropi úr lofti áður. Ógeðslegt! Ég fékk tvær skemmtilegar heimsóknir, Helga Sigvalda og dóttir hennar (einn þriðji af þríburunum) kíktu. Þær voru í Bónusferð. Síðan kom hún Linda Ósk til min í mýflugumynd eftir kvöldmatinn. Hún var að halda námskeið fyrir sjúkravini á vegur Rauðakrossins og mér fannst frábært að sjá hana. Í gær átti ég vaktafrí og veðrið var dásamlegt. Ég vona að núna sé sumarið komið koksins. Ég fór í sund og lagðist síðan í sólbað í vaðlaugina í tvo tíma.  Yndislegt!! Drífa mín kom í gærkvöldi og ætlar að vera eitthvað. Við erum að bralla dálítið saman ásamt Erlu, og Gerðu. Því miður er Arna upptekin þessa helgi og getur ekki komið. Jón Örn útskrifast sem læknir á laugardaginn og svo ætlar hann að koma vestur eftir það og þá, ætlum við öll út að borða saman á Narfeyrarstofu.

Jæja, ég ætla að vera mætt klukkan níu til að synda því ég verð að vera farin uppúr fyrir 11. Er að fara í smá klippingu og strýpur. En Þið ættuð að sjá veðrið , brjáluð blíða loksins!!

Góðir gestir

Lundar á Breiðafirði

Ég fékk góðar fréttir í gær. Þær komu með E-mail frá vini okkar Friðriks, Bruce McMillan sem býr í Maine USA. Hann er að koma til Íslands þann 24. júní og ætlar að koma til okkar Friðriks vestur í Hólm þann 25 eða 26. júní og vera fram á fimmtudag. Hann gæti verið lengur en þá bara einn í húsinum því við vorum búina að skipuleggja ferð í kofann með Óla og Sólrúnu systur friðriks og kannski koma Maja og Sævar bróðir Friðriks líka með ef þau verða komin af HM í fótbolta. En hann yrði ekki einn. Hann er komin veð vinkonu og virðist hún vera virkilega geðug. Hún er sérkennari fyrir ung börn og mér heyrist hann vera mjög hamingjusamur. Ég hlakka til að hitta hana. Hér koma myndir af henni.
Þetta er Betty í skóginum í nágrenni við Bruce'es house in Sharpleigh, Hún tekur myndir!! Óvænt ekki satt?
Og þarna er hún við veginn sem liggur að húsinu hans Bruce. Þetta er falleg kona ekki satt?

Það fer að styttast í að ég fái Friðrik minn heim í bili og þá leggjumst við í ferðalög fljótlega. Síðasti vinnudagurinn minn er fimmtudagurinn 29. júní og þá förum við beint austur í bústað við Heklu. Síðan förum við heim og skiptum um í töskunum og þann 6. júlí leggjum við af stað austur til Egilsstaða þar sem við verðum í viku. Síðan er það ættarmótið og svo Hvallátur en ég kem eitthvað seinna þangað því Sigga og Sverrir ætla að láta skíra þann 22 júlí. Svo það verður nóg um að vera í fríinu mínu. Ætli ég verði bara ekki að taka mér frí til að jafna mig eftir sumarfríið hahaha 

Gleðilega hátíð

Í dag er 17. júní sem er eins og flestallir vita þjóðhátíðardagur Íslendinga. Í dag hefur veðrið hér í Hólminum verið ótrúlega gott miðað við veðurspá fyrir helgina. (Þessi mynd er tekin í fyrra í Hafnarfirði, ég tók mér bessaleyfi að ræna þessari mynd frá henni Lindu) Svona er veðrið búið að vera síðan seinnipartinn í gær, reyndar ekki alveg jafn sólríkt í dag en næstum því. Hitinn, vá hann er í þessum skrifuðum orðum 17 gráður í skugga. Ég veit ekki hvað er að gerast eiginlega, kannski að sumarið sé loksins að koma. Það spáir reyndar rigningu í nótt og á morgun en það gerði það reyndar líka fyrir daginn í dag!

Ég dreif mig í sundlaugina og lagðist í pottinn snemma í morgun og síðan í vaðlaugina í spjall með nokkrum öðrum. Þetta var yndislegt og ég er bæði endurnærð og dösuð í senn. Nú ætla ég að hella mér yfir sjónvarpið, bæði HM í fótbolta og svo landsleikur í handbolta við Svía. Ég hef engar áhyggjur, svona í tilefni dagsins vinnar Íslendingar leikinn. Hafið það gott það sem eftir lifir þessa fallega dags!! 

Guði sé lof fyrir HM

Ó hvað ég er orðin þreytt á þessari íslensku veðráttu. Ég er alvarlega að hugsa um að flytjast erlendis þegar ég kemst á eftirlaun (ein fyrirhyggjusöm) allavegana á veturna. Annars eru sumrin okkar ekki orðin neitt nema orðin tóm. Mér fannst alltaf gott veður yfir sumartíman þegar ég var krakki á Akranesi og minnist ófárra ferða frá Vesturgötunni á Langasandin þar sem maður flatmagaði allan daginn í sólinni og sjónum. Kannski eru barnsminningarnar bara svona bjartar því þessi tími var svo skemmtilegur. Kannski er fleirum svona farið eins og mér,en núna á þessu augnarbliki þegar ég sit við tölvuna mína rignir eins og vanalega þetta sumar. Ég ætlaði að nota þessa daga sem ég er heima til þess að hvíla mig vel og slappa af í pottunum í sundlauginni en það hefur nú verið lítið gaman að sitja þar í rigningu og roki. Ég þakka bara fyrir að geta haft mér það til afþreyingar að horfa á fótbolta sem ég hef brennandi áhuga á. Ekki fer ég í golf ennþá en ætla mér nú samt að fara að minnsta kosti einu sinni í sumar. Ég vona bara að það stytti upp áður en ég verð mosavaxin yfir fótboltanum því það væri góð tilbreyting að gera fleira en að horfa á sjónvarpið í frístundum.

Helgarskrif í moll

Á laugardaginn fór fram hið árlega kvennahlaup þar sem keppendur fara mismunandi vegalengdir, eftir sinni getu. Allir velkomnir líka karlmenn en enga sá ég slíka. Það var ræst af stað frá sundlaugarplaninu og var búið að stilla upp forláta pallbíl með kallkerfi og einn sjúkraþjálfarinn hitaði konurnar upp. Svo var hlaupið af stað. Ég var að vinna og taldi mig hlaupa með þeim í anda því nóg var að gera. Það var svo frítt fyrir þær sem vildu í sund á eftir og var ég mest hissa á hve fáar konur notfærðu sér það. Þennan dag var opnuð sýning til heiðurs systrundum sem eru búnar að hlynna að Hólmurun í 70 ár. Það var fyrst opnað fyrir boðsgesti og taldist ég til þeirra. Varð að mæta í mýflugumynd því Friðrik var í eyjunum. Ég sá ekkert af sýningunni því ég mætti klukkan tvö og var komin í vinnuna aftur korter yfir þrjú. Fer seinna og skoða hana en það voru mættir þarna Forsteti Íslands og tveir biskubar ásamt fleira fyrirfólki og ræðuhöldin eftir því. Það var skrýtin uppákoma í lauginni seinnipartinn. Einn gesturinn kom á harðahlaupum og sagði mér að það væri kúkur í heitapottinum. Þá hafði lítil stelpa svona tveggja eða þriggja ára hreinlega gert stykkin sín í hlýjunni og ég varð að loka pottinum, hleypa úr honum og sótthreinsa. Var mest hissa á að foreldrarnir skyldu ekki segja mér frá þessu heldur einn fastagesturinn. Hef ég grun um að þau hafi ekki ætlað að láta vita, bara laumast út. Á laugardaginn fór fram hið árlega kvennahlaup þar sem keppendur fara mismunandi vegalengdir, eftir sinni getu. Allir velkomnir líka karlmenn en enga sá ég slíka. Það var ræst af stað frá sundlaugarplaninu og var búið að stilla upp forláta pallbíl með kallkerfi og einn sjúkraþjálfarinn hitaði konurnar upp. Svo var hlaupið af stað. Ég var að vinna og taldi mig hlaupa með þeim í anda því nóg var að gera. Það var svo frítt fyrir þær sem vildu í sund á eftir og var ég mest hissa á hve fáar konur notfærðu sér það. Þennan dag var opnuð sýning til heiðurs systrundum sem eru búnar að hlynna að Hólmurun í 70 ár. Það var fyrst opnað fyrir boðsgesti og taldist ég til þeirra. Varð að mæta í mýflugumynd því Friðrik var í eyjunum. Ég sá ekkert af sýningunni því ég mætti klukkan tvö og var komin í vinnuna aftur korter yfir þrjú. Fer seinna og skoða hana en það voru mættir þarna Forsteti Íslands og tveir biskubar ásamt fleira fyrirfólki og ræðuhöldin eftir því. Það var skrýtin uppákoma í lauginni seinnipartinn. Einn gesturinn kom á harðahlaupum og sagði mér að það væri kúkur í heitapottinum. Þá hafði lítil stelpa svona tveggja eða þriggja ára hreinlega gert stykkin sín í hlýjunni og ég varð að loka pottinum, hleypa úr honum og sótthreinsa. Var mest hissa á að foreldrarnir skyldu ekki segja mér frá þessu heldur einn fastagesturinn. Hef ég grun um að þau hafi ekki ætlað að láta vita, bara laumast út.

Fann þessar rigningamyndir á netinu og verð að láta þær fylgja með. ÉG er hrædd um hann Rúnar minn núna. Hann kom til mín í gærkvöldi og honum leið mjög illa. Gat ekki sofið og sá eitthvað í kringum sig sem ég gat allavegana ekki séð. Hann vildi enga hjálp aðra en að tala og það eru alltaf sömu fortíðardraugarnir sem hann virðist vera að glíma við. Ég bið fyrir honum af öllu mínu hjarta og ef að þið eru bænheit og trúið á mátt bænarinnar ætla eg að biðja ykkur að biðja fyrir honum líka.  

Ekki eru allar (sund)ferðir til fjár

Nýi læknirinn á Akranesi

Ég gafst upp í kvöld og fór heim úr vinnunni klukkan níu því mér var svo illt í hnéinu!! Það er fullt af vökva og það sem verra er hvellrautt og helaumt. Ég gerði svo sem ekkert í dag nema ég fór að synda áður en ég fór í vinnuna. Ég sit hér við tölvuna og mér líður svo sem ekkert svooo illa eftir að hafa tekið inn tvöfaldan skamt af íbúfeni og vona bara að ég verði betri á morgun. Ég vildi síður þurfa að fara til læknis og láta taka vökvann því Friðrik er kominn í frí. Hann hefur einu sinni tekið vökva úr hnéinu mínu og það var ekki svo slæmt. Hann er nú alveg bráðlaginn þessi elska. En núna er sól og blíða þótt klukkan sé að verða 11 að kvöldi. Ég dýrka þennan árstíma en því miður er hann allt of stuttur og er liðinn fyrr en varir.

Augnarblik ég verð að svara símanum!!!

Ég er svo glöð. Jón Örn hringdi og ætlar að koma um helgina. Hann er svo frábær strákur og skemmtilegur. Hann er með hugan við eyjalífið og langar að fara í leitir. Hann er byrjaður að vinna á heilsugæslunni á Akranesi og er mjög ánægður. Hann sagði að hann hafi haft nóg að gera og hann átti helgarvaktina á síðustu helgi. Ég er viss um að hann er jafn góður læknir og pabbi hans, ef ekki betri. En nú er best að hætta þessum skrifum í kvöld og ég set örugglega eitthvað á blað um helgina. Og svo er það HM í fótbolta, fyrsti leikurinn á morgun.
. Húrra húrra, húrra, húrra!

 

Nýjar myndir af Karen Hörpu

Mátti til með að skella þessum fallegu myndum af Karen Hörpu dóttur Rúnars míns á bloggið mitt. Hún er alltaf að stækka og vonandi verður samgangurinn milli hennar og mín meiri í framtíðinni en hann hefur verið. Kannski kemur hún að heimsækja mig með mömmu sinni og fósturföður sínum sem hún kallar pabba, því hún þekkir ekki föður sinn. Svona er lífið stundum. 

Og himnarnir opnuðust og það RIGNDI

Þá er ég komin úr Reykjavík aftur og fór beint á kvöldvakt. Heilmikið að gera í kvöld þótt það rigndi eins og hellt væri úr fötu fram eftir kvöldi. Um níu leytið stytti upp og sólin braust fram úr skýjaþykkninu og allt varð svo bjart og tandurhreint. Þegar ég fór heim þá var loftið þrungið gróðurilmi og allir spörfuglarnir sungu hástöfum í gleði sinni. Það er svo ólýsanlega og yndislega fallegt hér í Stykkishólmi og sólarlagið er engu líkt. Hefði gjarnan vilja vera úti í Hvallátrum því á kvöldum sem þessum er ennþá fallegra þar en hér þótt ótrúlegt sé. Kyrrðið er slík að stundum verður fuglasöngrinn að ærandi hávaða. En það verður að bíða betri tíma, og ég stefni að því að komast þangað aðra helgi og næ þá vonandi seinni leitum. Fyrri leit lauk í gær og var dúnninn mjög blautur. En nú er mál að hætta og fara að hvíla sig. Góða nótt.

Hvítasunna 2006

Þetta er hann Dóri hennar Írisar frænku að vinna í húsinu sínu með Rúnari

Ég, Rúnar og Dóra Lind.

Sem sagt bæði notaleg og skemmtileg helgi hjá mér og algjör afslöppun. Verð grasekkja næstu tvær til þrjár vikurnar en ég veit að leitir hafa gengið óvenju vel svo kannski klárast þetta fyrr. Ég þar að skjótast eftir vinnu til Reykjavíkur til æðasérfræðings og strax til baka því ég á vinnu daginn eftir. Í dag er bæði rok og rigning og væri ég alveg til í að kúra bara undir sæng lestur en vinnan gefur engin grið og sem betur fer er bara stutt vakt í dag, 5 tímar og ég lifi það alveg af..

 

Hvítasunna 2006

Ég var í mjög notalegu fríi yfir Hvítasunnuhelgina alveg frá kl. 15:00 á fimmtudegi til kl. 15:00 á mánudegi, sem sagt á að fara í vinnu í dag. Friðrik og félagar hans fóru út í Hvallátur á föstudagshvöldinu um átta leytið og planið var að ég færi líka en það breyttist því Dóra Lind vildi ekki koma með mér svo við vorum bara heima í rólegheiturm. Ég lenti samt í smá ævintýri á bryggjunni, því hluti að því sem átti að fara með út í Látur hafði farið á Baldursbryggjuna farið var með Særúnu sem var við litlu bryggjuna. Þetta voru tvö bretti af ungafóðri og annað brettið var gjörsamlega í heinglum, plastið rifið og áburðarpokarnir lausir á brettinu. Það var enginn með lyftarapróf af þessum karlmönnum og þeir gátu fengið hafnarlyftaran ef þeir hefðu próf. Ég hafði einhverntíman misst það út úr mér við Friðrik að ég væri með lyftarapróf svo að hann kallaði á mig og sagði að ég yrði að bjarga þeim. Ég sagði sem satt var að ég hefði ekki stigið um borð í lyftara í 10 ár en mér voru engin grið gefin, og mín kona, í kvartbuxum, nælonsokkum og háhæluðum skóm, lét sig hafa það og sótti fjárans brettin. Varð að fara tvær ferðir og mér til undrunar hafði ég engu gleymt. Álversfílingurinn rifjaðist upp fyrir mér og ég hafði gaman af öllu saman þegar upp var staðið. Svo komu Kristín Ýr, Jónas Bjarni og krakkarnir á laugardeginum og stoppuðu eina nótt.

Þetta er hún Sunneva skotta . Er hún ekki falleg og fín stelpa?

Þarna eru þau systkynin í Coke- auglýsingu hjá ömmu sinni

Og hjónin fallegu Jónas og Kristín Ýr

Við Dóra Lind fórum svo að heimsækja Rúnar stórsmið á Hellisandi í gær og það var bara mjög skemmtileg að sjá hve húsi hjá Írisi og Dóra gengur vel. Verður þetta mjög flott og skemmtilega innréttað hús og ég hlakka til að sjá það verða tilbúið. Rúnar er mjög ánægður á Hellisandi og hef ég sjaldan séð hann líta eins vel út. 

Eyjalífið að byrja

Þessi mynd er tekin í fyrra sumar á leið út í Bjarneyjar. Mátti til með að skella henni á bloggið því nú er eyjavertíðin að byrja. Það er skemmtilegasti en erfiðasti tími ársins. Friðrik fer í Hvallátur á föstudaginn og verður næstu þrjár vikurnar. Ég vona að ég geti komist til hans eitthvað áður en hann kemur heim en er nú ekki bjartsýn á það. En vonandi hefst það . Er að fara á morgunvakt, og svo er ég komin í frí fram á mánudag. Dóra Lind ætlar að koma og við ætlum að hafa það reglulega notalegt saman yfir hvítasunnuna. 

Ennþá fleiri myndir

Þetta er hún Sara Sædal krútt
Elín Ragna ofurgella
Berglind best af öllum
Oddrún á leið í partý

Ég get sagt ykkur að það er langt síðan ég hef hlegið eins mikið og í dag elskurnar mínar og ég mun aldrei gleyma þessum degi. Bæði var svo skemmtilegt í vinnunni og svo fór Rabbi á kostum í kveðjuhófinu. Hann er búin að lofa mér því að halda mér við efnið með því að koma reglulega til að skamma mig svo ég fá ekki mjög sl´æm fráhvarfseinkenni en takk fyrir þessi tvö ár elsku Rabbi

 

Og fleiri myndir frá kveðjuhófinu

Lýður og "sá síungi"

Rabbi sá besti sem ég hef unnið með

Vignir boss að halda ræðu

Rabbi og Kristín í faðmlögum