Ekki eru allar (sund)ferðir til fjár

Nýi læknirinn á Akranesi

Ég gafst upp í kvöld og fór heim úr vinnunni klukkan níu því mér var svo illt í hnéinu!! Það er fullt af vökva og það sem verra er hvellrautt og helaumt. Ég gerði svo sem ekkert í dag nema ég fór að synda áður en ég fór í vinnuna. Ég sit hér við tölvuna og mér líður svo sem ekkert svooo illa eftir að hafa tekið inn tvöfaldan skamt af íbúfeni og vona bara að ég verði betri á morgun. Ég vildi síður þurfa að fara til læknis og láta taka vökvann því Friðrik er kominn í frí. Hann hefur einu sinni tekið vökva úr hnéinu mínu og það var ekki svo slæmt. Hann er nú alveg bráðlaginn þessi elska. En núna er sól og blíða þótt klukkan sé að verða 11 að kvöldi. Ég dýrka þennan árstíma en því miður er hann allt of stuttur og er liðinn fyrr en varir.

Augnarblik ég verð að svara símanum!!!

Ég er svo glöð. Jón Örn hringdi og ætlar að koma um helgina. Hann er svo frábær strákur og skemmtilegur. Hann er með hugan við eyjalífið og langar að fara í leitir. Hann er byrjaður að vinna á heilsugæslunni á Akranesi og er mjög ánægður. Hann sagði að hann hafi haft nóg að gera og hann átti helgarvaktina á síðustu helgi. Ég er viss um að hann er jafn góður læknir og pabbi hans, ef ekki betri. En nú er best að hætta þessum skrifum í kvöld og ég set örugglega eitthvað á blað um helgina. Og svo er það HM í fótbolta, fyrsti leikurinn á morgun.
. Húrra húrra, húrra, húrra!

 

Nýjar myndir af Karen Hörpu

Mátti til með að skella þessum fallegu myndum af Karen Hörpu dóttur Rúnars míns á bloggið mitt. Hún er alltaf að stækka og vonandi verður samgangurinn milli hennar og mín meiri í framtíðinni en hann hefur verið. Kannski kemur hún að heimsækja mig með mömmu sinni og fósturföður sínum sem hún kallar pabba, því hún þekkir ekki föður sinn. Svona er lífið stundum. 

Og himnarnir opnuðust og það RIGNDI

Þá er ég komin úr Reykjavík aftur og fór beint á kvöldvakt. Heilmikið að gera í kvöld þótt það rigndi eins og hellt væri úr fötu fram eftir kvöldi. Um níu leytið stytti upp og sólin braust fram úr skýjaþykkninu og allt varð svo bjart og tandurhreint. Þegar ég fór heim þá var loftið þrungið gróðurilmi og allir spörfuglarnir sungu hástöfum í gleði sinni. Það er svo ólýsanlega og yndislega fallegt hér í Stykkishólmi og sólarlagið er engu líkt. Hefði gjarnan vilja vera úti í Hvallátrum því á kvöldum sem þessum er ennþá fallegra þar en hér þótt ótrúlegt sé. Kyrrðið er slík að stundum verður fuglasöngrinn að ærandi hávaða. En það verður að bíða betri tíma, og ég stefni að því að komast þangað aðra helgi og næ þá vonandi seinni leitum. Fyrri leit lauk í gær og var dúnninn mjög blautur. En nú er mál að hætta og fara að hvíla sig. Góða nótt.

Hvítasunna 2006

Þetta er hann Dóri hennar Írisar frænku að vinna í húsinu sínu með Rúnari

Ég, Rúnar og Dóra Lind.

Sem sagt bæði notaleg og skemmtileg helgi hjá mér og algjör afslöppun. Verð grasekkja næstu tvær til þrjár vikurnar en ég veit að leitir hafa gengið óvenju vel svo kannski klárast þetta fyrr. Ég þar að skjótast eftir vinnu til Reykjavíkur til æðasérfræðings og strax til baka því ég á vinnu daginn eftir. Í dag er bæði rok og rigning og væri ég alveg til í að kúra bara undir sæng lestur en vinnan gefur engin grið og sem betur fer er bara stutt vakt í dag, 5 tímar og ég lifi það alveg af..

 

Hvítasunna 2006

Ég var í mjög notalegu fríi yfir Hvítasunnuhelgina alveg frá kl. 15:00 á fimmtudegi til kl. 15:00 á mánudegi, sem sagt á að fara í vinnu í dag. Friðrik og félagar hans fóru út í Hvallátur á föstudagshvöldinu um átta leytið og planið var að ég færi líka en það breyttist því Dóra Lind vildi ekki koma með mér svo við vorum bara heima í rólegheiturm. Ég lenti samt í smá ævintýri á bryggjunni, því hluti að því sem átti að fara með út í Látur hafði farið á Baldursbryggjuna farið var með Særúnu sem var við litlu bryggjuna. Þetta voru tvö bretti af ungafóðri og annað brettið var gjörsamlega í heinglum, plastið rifið og áburðarpokarnir lausir á brettinu. Það var enginn með lyftarapróf af þessum karlmönnum og þeir gátu fengið hafnarlyftaran ef þeir hefðu próf. Ég hafði einhverntíman misst það út úr mér við Friðrik að ég væri með lyftarapróf svo að hann kallaði á mig og sagði að ég yrði að bjarga þeim. Ég sagði sem satt var að ég hefði ekki stigið um borð í lyftara í 10 ár en mér voru engin grið gefin, og mín kona, í kvartbuxum, nælonsokkum og háhæluðum skóm, lét sig hafa það og sótti fjárans brettin. Varð að fara tvær ferðir og mér til undrunar hafði ég engu gleymt. Álversfílingurinn rifjaðist upp fyrir mér og ég hafði gaman af öllu saman þegar upp var staðið. Svo komu Kristín Ýr, Jónas Bjarni og krakkarnir á laugardeginum og stoppuðu eina nótt.

Þetta er hún Sunneva skotta . Er hún ekki falleg og fín stelpa?

Þarna eru þau systkynin í Coke- auglýsingu hjá ömmu sinni

Og hjónin fallegu Jónas og Kristín Ýr

Við Dóra Lind fórum svo að heimsækja Rúnar stórsmið á Hellisandi í gær og það var bara mjög skemmtileg að sjá hve húsi hjá Írisi og Dóra gengur vel. Verður þetta mjög flott og skemmtilega innréttað hús og ég hlakka til að sjá það verða tilbúið. Rúnar er mjög ánægður á Hellisandi og hef ég sjaldan séð hann líta eins vel út. 

Eyjalífið að byrja

Þessi mynd er tekin í fyrra sumar á leið út í Bjarneyjar. Mátti til með að skella henni á bloggið því nú er eyjavertíðin að byrja. Það er skemmtilegasti en erfiðasti tími ársins. Friðrik fer í Hvallátur á föstudaginn og verður næstu þrjár vikurnar. Ég vona að ég geti komist til hans eitthvað áður en hann kemur heim en er nú ekki bjartsýn á það. En vonandi hefst það . Er að fara á morgunvakt, og svo er ég komin í frí fram á mánudag. Dóra Lind ætlar að koma og við ætlum að hafa það reglulega notalegt saman yfir hvítasunnuna. 

Ennþá fleiri myndir

Þetta er hún Sara Sædal krútt
Elín Ragna ofurgella
Berglind best af öllum
Oddrún á leið í partý

Ég get sagt ykkur að það er langt síðan ég hef hlegið eins mikið og í dag elskurnar mínar og ég mun aldrei gleyma þessum degi. Bæði var svo skemmtilegt í vinnunni og svo fór Rabbi á kostum í kveðjuhófinu. Hann er búin að lofa mér því að halda mér við efnið með því að koma reglulega til að skamma mig svo ég fá ekki mjög sl´æm fráhvarfseinkenni en takk fyrir þessi tvö ár elsku Rabbi

 

Og fleiri myndir frá kveðjuhófinu

Lýður og "sá síungi"

Rabbi sá besti sem ég hef unnið með

Vignir boss að halda ræðu

Rabbi og Kristín í faðmlögum

 

Kveðjukvöld Rabba

Ég mátti til að setja nokkrar myndir frá skemmtilegsta kveðjupartýi sem ég hef verið í!

Þetta er lýður "klefagæslumaður"

Þetta er gribban ég og Gerður

Magnús bóndi Lilja og Kristín Ben

 

Sigga á afmæli í dag

Nýjar myndir af barnabörnunum í Danmörku! Nú styttist í að þau komi í heimsókn, eftir mánuð eða svo. Mamma þeirra á afmæli í dag, til hamingju með daginn Sigga mín. 

Síðasti dagur Rabba í sundlauginni

Þessi dagur var með skemmtilegti dögum sem ég hef upplifað í vinnunni! Sundlaugin var lokuð í dag, því hleypt var út henni í nótt og við mættum öll klukkan 8 í morgun að þrífa. Vopnuð skrúbbum og vatnsslöngum réðumst við til atlögu og skrúbbuðum og sprautuðum eins og við ættum lífið að leysa. Veðurguðirnir ákváðu að aðstoða okkur því það rigndi eins og hellt væri úr fötu. Allir voru orðnir gegnblautir og örþreyttir þegar þessu lauk, en þetta var rosalegt fjör.

Í kvöld ætlum við svo að fara saman á Narfeyrarstofu og kveðja Rabba sem hættir með stæl í dag eftir ja ég veit svei mér ekki hvað mörg ár en þau eru vel yfir 20. Hann er kominn á aldur og hans verður sárt saknað af okkur samstarfsfólkinu. Ég veit svei mér ekki hvort sundlaugin getir hreinlega virkað eftir að hann er farinn. Ætla að skella mér í heitt bað til að ná úr mér kuldahrollinum og leggja mig áður en mæting er í matinn.

Úrslit kosninga í Stykkishólmi

Þá er kosningunum lokið og meiri ró komin á fólk. Við hédum kosningavöku í Hótel Stykkishólmi og var vel mætt. Einhver bið var á því að þeir birtu fyrstu tölur en tæplega 700 manns voru á kjörskrá. Þegar talin höfðu verið 300 athvæði þá voru loks fyrstu tölur birtar og þær féllu  þannig: L- listinn 298 og D- listinn 302. Það fór kliður um mannskapinn og ég sá að Erlu minni var ekki rótt. Þegar 500 athvæði höfðu verið talin þá voru leikar jafnir 250 og 250. Þá sá ég á sumum að þeir voru búnir að gefa þetta frá sér. En einhvernvegin vissi ég alveg að við hefðum sigur og var alveg sallaróleg. Þegar búið var að telja allt nema utankjörfunda þá munaði aðeins 16 athvæðum okkur í vil og andrúmsloftið var rafmagnað. Fólk var mjöööööög spennt. Um það bil 15 mínótum seinna kemur svo Gretar og segist ætla að lesa upp lokatölur sem voru eftirfarandi:

D-listi sjálfstæðismanna og óháðra     382 atkvæði
L-listi félagshyggjufólks                     340 atkvæði
Auðir seðlar og ógildir                         16 atkvæði 

Það braust úr mikill fögnuð og Erla trúði varla því sem hún heyrði. En þessi sigur okkar má þakka henni og því ágæta fólki sem vann svo ötullega við hlið hennar. Síðan fagnaði folk fram eftir nóttu og var nú frekar erfitt að vakna í vinnu í gærmorgun og þurfa að vinna í 10 tíma. Ég var enda alveg búin í gærkvöldi. Ég á frí í dag og ætla að nota hann vel.

OG ÞÁ ER BARA AÐ BÍÐA ÚRSTITANNA

Þá er þetta úr okkar höndum, ekki skiptir máli lengur hvað við segjum og gerum nú er þetta undir því komið hvað kjósendur gera þegar þeir eru einir með sjálfum sér inn í kjörklefunum. Við hljótum alltaf þegar upp er staðið að kjósa rétt að okkar áliti og útlit fyrir þær mest spennandi kosningar sem haldnar hafa verið hér í Stykkishólmi. Það kemur mér samt alltafjafn mikið á óvart óvönduð vinnubrögð L- listans og þekkingarskortur á reikningum sveitarfélagsins. Sá hái herra Jóhannes Finnur, hagfræðingurinn með aukamenntun í stjórnsýslu gerir sig sekan um það að leiðrétta réttar tölur með röngum. Hagfræðingurinn sem ber ábyrgð á 7 milljarða reikningsskilum hjá Háskóla Íslands gerir sig sekan um þvílíka klaufavillu að ég held svei mér þá að hann hafi þar með unnið kosningarnar fyrir D- listan. Ég fer að halda að fyrst hann gerir svona villur þá hljóti fjárhagur Háskóla Íslands vera mun betir en sagt er. Svo elskurnar mínar í d- listanum, sofið rótt og mætið úthvíldir í baráttuna á morgun

Brrrrr, hóst hóst, snuff,snuff, atjúúúúú

Það er sama veðurblíðan hér í dag og undanfarna daga, norðaustanrok og hiti 0 gráður. Við verðum víst að horfa á þetta jákvæðum augum og með stóískti ró og þakka fyrir að hér sér hætt að snjóa.Veðurfræðingar spá ekki hlýnandi fyrr en eftir kosningar og geri ég ráð fyrir að það snögghlýni ef við sjálfstæðismenn vinnum kosningarnar en tæpt verður það. En við erum með harðsnúið og hæft fólk á listanum okkar og ég treysti því að Stykkishólmsbúar  séu skynsamt fólk og velji áframhaldandi framþróun á öllum sviðum  og kjósi þau á kjördag.

Það breyttist aðeins heimkoman hjá Dönunum mínum sem ætluðu að koma heim  aðfaranótt laugardagsins 1. júlí. Plúsferðir tóku sér það Bessaleyfi að fella flugið niður. Þetta fréttu þau á skotspónum (voru ekki látin vita) og þegar þau hringdu þá var þeim sagt að þau gætu farið daginn eftir. Þetta væri svo sem allt í lagi nema að það átti að skíra drenginn þeirra þann 2. júlí, búið að panta prestinn og veislusal og hvað eina. Það gengur auðvitað ekki upp og í augnarblikinu er allt í óvissu með hvenær barnið verður skírt. Svo er fólk líka búið að skipuleggja sig með tilliti til þessa svo þetta er hið versta mál.

Ég er í fríi í dag og ætla að nota hann til að reyna að taka aðeins til eftir síðustu gesti áður en næstu gestir koma sem er í kvöld en Friðrik er að fara suður og ná í bátinn sem hann var að kaupa og Drífa og Jón Örn koma með honum og ætla að vera eitthvað. Svo kannski fer ég í sund ef ég nenni. Ef þetta veður fer ekki að lagast þá fer maður að líta í kringum sig eftir húseignum  á Spáni!!

Hvar ertu sumar?

Viljið þið spá í það að það er rétt rúmur mánuður þangað til daginn tekur að stytta aftur. Ég er að hugsa um að auglýsa eftir sumrinu sem lét sjá sig snemma í mai og stoppaði aðeins í fjóra daga. Í dag þann 22. maí 2006 þá snjóar hér í Hólminum. Úti er hiti við frostmark og snjómugga. Ég vorkenni svo vesalings farfuglunum sem flestir eru orpnir. Ég ætla ekki að búa á Íslandi í ellinni ef veðurfarið helst svona næstu árin. Ég þrái að komast í sól og hita og ég held að ég verðir hreinlega þunglynd í þessu árferði.

Vinnutörn þessa vikuna og svo á ég helgarvaktina. Ég hlakka til á laugardaginn kemur, kosið verður í sveitarstjórn og býst ég við afar spennandi kosningum.

Kuldahrollur kvelur mig!!

Þá er ég komin í helgarfrí og úti er ískalt og rok. Ætlaði í sund eftir vinnu en hreinlega áræddi ekki. Bæti út því í fyrramálið í þeirri von að veðrið verði eitthvað betra og blíðara. Hýindin sem voru um daginn hurfu eftir að L-listinn birti sveitarstjóraefnið sitt og menn setti hljóða. Grundfirðingur var valinn, og það sem meira er, hann er flokksbundinn sjálfstæðismaður og ég er næstum því viss um að þegar inn í kjörklefan er kominn þá kýs hann sjálfstæðisflokkinn! Þessi “himnasending” kemur frá L-listanum, þeim sama og klikkti úr með það að Erla bæjarstjóri hefði komið í veg fyrir það, með því að samþykkja að fara í 4. sæti hjá okkur að hann gæti beðið hana um að vera áfram næðu þeir meirihluta. Í mínum huga sýnir þetta best kve ábyggilegt og trúverðugt þetta framboð þeirra er og ég treysti því að fólk hér í Stykkishólmi sjái í gegn um þessa “bráðskíru menn fólksins” sem “fólkið kaus og stillti upp” og gefi Erlu Friðriksdóttur athvæði sitt til að tryggja að hún verði hér áfram hjá okkur.

En annars er það helst að frétta að Dóra Lind kláraði prófin í dag, Drífa á afmæli í dag, Friðrik skrapp til Akureyrar snemma í morgun og Jón Örn, Arna og dætur koma í kvöld. Gerða og Seimur koma á morgun ef veðurútlit er “eyjavænt”, og ég er ein í kotinu og vafra um á netinu.

Oh what a beautiful morning, oh what a beautiful day

Er komin úr Reykjavík, fór til tannlæknis og spámiðils í gærmorgunmorgun og brenndi svo heim. Var komin í sólbað í sundlauginn kl. 15:30. Veðrið hér meiriháttar, ekki skýhnoðri á himni. Vona að það verði svona til kl:15:00 í dag því ég á að mæta á vaktina þá. Mín vegna má draga fyrir sólu eftir það. Ég bið ykkur um að fyrirgefa mér eigingirnina, ég meinti þetta ekki, og þó.......

Já ég hitti yndislega fullorðna konu í gær. Það geislaði af henni góðvildin og viskan. Bæði Kristín og Dóra voru búnar að fara til hennar og það voru alveg ótrúlegir hlutir sem hún vissi. Hún nefndi fólk með nafni og ég fékk margar heimsóknir. Get alveg mælt með henni ef fólk hefur áhuga á andleum málefnum.

Á þönum út og suður

Eftir annasama helgi á ég loks frí á morgun!! Þarf reyndar að skjótast til Reykjavíkur og heimsækja tannlækninn í síðasta sinn í bili. Karlaklefinn hjá okkur er að mestu búinn og allir karlmenn yfir sig ánægðir með að þurfa ekki að "strippa" fyrir okkur starfsfólkið og aðra gesti á leið sinni út í laug. Það er greinilega heilmikið um ferðafólk og það skilar sér alltaf í sund. Verð að rjúka af stað þótt mig langi helst til að leggja mig.

Væringar í pólitíkinni

Þá er sunnudagur runninn upp, bjartur og fagur. Ég er stirð eftir hreingerningarnar í lauginni og mér líður eins og ég hafi orðið undir bíl. Veðrið hefur leikið við okkur þessa helgina og ös í vinnunni og verður þannig örugglega í dag. Ég tók mig til og svaraði rógskrifum umbonsmanns L-listans í bæjarblaðinu okkar og skrifaði til hennar (umboðsmannsisn) hógværa grein, þar sem ég benti henni á að svona skrif eins og hún hafi stundað undanfarið væru rógskrif  og ekki henni samboðin. Ég var því mjög hissa þegar maðurinn hennar kom til mín í vinnuna í fyrradag og óskaði mér til hamingju. Ég þakkaði að sjálfsögðu fyrir og þá sagði hann að hann vonaðist til að ég væri með frið í hjarta mínu., og kvað ég það svo vera eins og hann sæi og ef konunni hans liði jafn vel og mér þá væri hún í góðum málum. Henni hefur greinilega ekki liðið nægilega vel því í gær kon Ofurbaldur svo aftur til mín í vinnuna og í þetta skiptið með súkkulaðitertu sem hann sagðist ætla að gefa mér. Ég þakka að sjálfsögðu mikið vel fyrir og sagði sannleikanum smkvæmt að ég hefði vitað að greinin væri góð en að hún væri svona góð hafði  ég nú ekki gert mér grein fyrir. Og þá fór hann og hefur ekki sést aftur. Ég fór aftur á móti með tertuna á skrifstofu sjálfstæðismanna og bauð þeim í kaffi og skal ég segja ykkur að tertan smakkaðist vel og engin okkar dó!!! En L-listinn kynnti sveitastjóraefni sitt í gær. Það er enginn annar er Jóhannes Finnur Halldórsson fæddur og uppalinn í sjálstæðisflokki Grundarfjarðar. Svona er nú heimurinn skrýtinn. En nú verð ég að fara í bað og vinnan kallar, verður mikið að gera í dag í sólinni og góða veðrinu.

Sundlaugarfjör!!

Mig langar til að deila með ykkur þessum yndislega góða, skemmtilega, fallega, og ofurannasama degi, sem byrjaði kl. 7 í morgun og lauk núna um kl 23 í kvöld. Ég var sem sagt í vinnunni minni í sextán tíma og hafði varla tíma til að fara á klósettið því það var svo mikið að gera. Ég hef áður talað um búningsklefa karla en hann er enn í "viðgerð" og klárast vonandi um helgina en það sem gerði daginn svona eftirminnilegan var að við fengum fimm grunnskóla í heimsókn, eða réttara sagt 10. bekkinga frá 5 skólum!! Já tæplega 300 unglingar sem fóru í gegn um sundlaugina á rúmlega þremur og hálfum klukkutímum!! Þessar elskur voru þvílíkt prúð og kurteis að það er til fyrirmyndar fyrir aðra. "Húnavallaskóli, Langholtsskóli, Vallarskóli á Selfossi, Digranesskóli, og Árbæjarskóli, takk fyrir komuna og kennarar ykkar geta verið stoltir af ykkur öllum". En nú er ég um það bil að sofna og það verður annar svona langur dagur hjá mér á morgun og svo á ég helgarvaktina. Ég vona að ég verði með einhverju lífsmarki eftir þessa törn. Góða nótt.

Nokkrar myndir úr ferðinni minni til Englands

Þá er ég komin heim aftur og byrjuð á minni gömlu rútínu. Eins og sést hef ég verið löt við að blogga því nóg hefur verið að gera bæði í vinnunni og heima. Ég kom sem sagt heim á föstudagskvöld og sníkti mér kvöldmat hjá Erlu og Sigga með þessum líka flotta árangri. Fékk grillaðan humar a la Erla og var hann algjört lostæti. Notaði laugardag og sunnudag til að þrífa í kringum mig og síðan komu Rúnar, Íris og skotturnar hennar í heimsókn og borðuðu með mér. Af bæjalífinu er það helst að frétta að eitthvað er að byrja að koma kosningaskjálfti í fólk og ýmsar undarlegar greinar farnar að birtast í Stykkishólmspóstinum okkar. En það styttist líka óðum til kosning svo það er kannski ekkert skrýtið. En veðrið gæti ekki verið betra eða blíðara og nú ætla ég að láta hér staðar numið og skella mér í sund.

ST.Chatarine's Doc þar sem Charles Dickens skrifaði mikið

Svona var allur gróður orðinn "blómlegur"

King's College í Cambridges

Dansað í kringum maístöngina þann 1. maí

 

Allt tekur enda um s'idir

Th'a er thessari skemmtilegu dvol minni h'er 'i Bedford ad lj'uka. 'eg er b'uin ad hafa thad allt of gott og thad verdur orugglega erfitt ad taka upp venjubundna r'utinu 'a n'yjan leik. Vid tokum thad r'olega thar til vid forum 'i Lunch 'a sveitakr'a, ekta enskri og svo aetlum vid ad skoda okkur um 'i thorpinu. 'Eg fer 'i loftid 20:40 OG lendi kl. 22:40 ad 'islenskum t'ima.

Anna og Bernie eru mikid yndaelisf'olk og 'eg hlakka mikid til ad hitta thau 'i sumar thv'i thau eru alveg 'akvedin ad koma til 'Islands 'a aettarm'otid. F'orum til London 'i gaer og medan Anna og 'Asta fraenka 'utr'ettudu, th'a rolti 'eg 'i b'udir 'i Coven Garden og keypti sm'avegis. Thad er ekki mikid 'od'yrara ad versla 'i London en 'i Reykjav'ik en 'urvalid er 'otr'ulegt. Sj'aumst, 'eg hlakka til ad koma heim eins og alltaf thv'i heima er best

The Banker's day eda 1. ma'i 'i Englandi

Vid Anna vorum maettar kl. sex 'i morgun vid ma'i- stongina og thar var samankomid fullt af f'olki. Karlmennirnir voru alldir svipad klaeddir og med littlar bjollur 'i buxnask'almunum og str'ahatta skreytta bl'omum. Athofnin byrjadi med song og svo f'oru their ad dansa. Fyrst donsudu their 'i kring um stongina og h'eldu th'a 'i bordana og s'idan donsudu their thj'odlega dansa. Svo t'oku their p'asu medan their 'uthlutudu til hverrar konu frj'osemiskoku. 'Eg sagdist vera b'uin med /ann hluta l'ifs m'ins en samt slapp 'eg ekki. Thei sogdu ad 'eg skildi ekki gefa upp vonina, thessi kaka vaeri mognud. hahaha. S'idan vorum vid Anna dregnar med 'i dansinn og thetta var alveg meiri h'attar gamannThetta st;id yfir til h'alf 'atta og svo 'atti ad kr'yna ma'idrottninguna kl. 13:30 en vid drifum okkur 'i klukkut'ima gonguferd um n'agrennid og f'orum svo heim og logdum okkur. Vid aetlum ad taka tad r'olega 'i dag thv'i 'a morgun forum vid aftur til London og th'a aetla 'eg ad k'ikja sm'avegis 'i b'udir. 'Eg hef ekkert verslad ennth'a nema balletb'uning 'a Sunnevu, Keyptur 'i heimsfraegri Butieqe thar sem Konunglegi ballettin verslar 'a s'inar fraegu baller'inur. Svo r'olegt 'i dag og London 'a morgun.....

Ferdamolar

Th'a er heims'okn m'in til Englands r'umlega h'alfnud og 'eg er b'uin ad ferdast v'itt og breitt og sj'a mikid. 'Eg er eiginlega ordin fordekrud!! 'Eg tharf 'abyggilega ad fara 'i st'ifa mergrun thegar 'eg kem heim thv'i 'eg held 'eg hafi aldrei 'a aevi minni bordad jafn mikid. Anna og Bernie eru baedi mikid matf'olk og lista kokkar og m'er finnst 'eg alltaf vera ad borda.

N'u svo 'eg segi fr'a thv'i sem 'eg er b'uin ad sj'a og gera th'a erum vid b'uin ad fara til London og eyda thar heilum degi vid ad skoda merka stadi. Midborgin er mjog falleg en 'uthverfin eru sum hver hraedileg!! 'Eg s'a Coven Garden, Tower of London, Tower Bridge, St. Chatarine's Dock,Buckingham Palace, Trafalgarsquier, Lester Squier, og Piccadilly Squier, The House of Parlament, allar fallegu kirkjurnar, fj'arm'alahverfid og fleira og fleira. Vid vorum gengin upp ad herdablodum og r'iflega thad. 'I gaer var s'idan haldid til Camebrigde og eytt thar deginum. Thad er magnadur stadur og allir h'ask'olarnir og gardarnir 'otr'ulega fallegir. Margra alda gamlar byggingar, hreint 'otr'ulegt. 'Eg aetla aftur thangad einhvern t'iman thv'i thar er audveldlega haegt ad vera 'i marga daga bara vid ad skoda. Vid vorum svo heppin ad thegar vid f'orum inn 'i King's Collige's th'a var hinn fraegi King's Collige's Quier ad syngja 'i messu 'i kapellu h'ask'olans og thad var magnad ad heyra.

'I dag f'orum vid s'idan 'i 50 'ara afmaeli til vinaf'olks Onnu og Bernie's sem b'ua 'i sudur-London. Vid vorum tvo og h'alfan klukkut'ima 'a leidinni thv'i umferdin var svo mikil en veislan var f'in. Thar var samankomid fullt af skemmtilegu f'olki sem vid spjolludum vid 'i ca. 3 klukkut'ima og svo var lagt 'i hann. Heimferdin var h'alft'ima styttri tv'i umferdin var minni en ef engin umferd er th'a tekur um thad bil 40 m'in. ad aka til London fr'a Cople.

'A morgun er svo Banker's holliday og vid aetlum ad horfa 'a h'at'idarholdin vid ma'istongina. Th'a er h'a stong reist upp og bundnir 'i hana mislitir bordar og s'idan er dansad 'i kringum hana med bjollum og fleiru. Svo er ma'idrottning kr'ynd. Thetta er aldagamall sidur og Ma'istong er reist v'ida 'i vestur evr'opu. H'at'idarholdin byrja kl sex 'i fyrram'alid svo 'eg er ad hugsa um ad fara ad sofa n'una .

Fr'ettir af flakkinu

Hallo, hallo, 'eg er hj'a Onnu fraenku minni og Bernie 'i algjoru dekri. Thau b'ua 'i ca. 70 km. fr'a London r'ett fyrir utan Bedford og b'ua 'i st'oru fallegu h'usi aevagomlu eiginlega eins og l'itill herragardur. L'odin er mjog st'or og vel hirt og thau eru mikid s'omaf'olk eins og 'eg vissi reyndar fyrir. Eg h'alf skammast m'in thv'i Anna fraenka t'ok s'er fr'i til ad geta verid med m'er og thad er buid ad skipuleggja heilmikid ad skoda. 'I gaer forum vid til Bedford sem er l'itill og mjog falleg borg 'i ca. 7 km. fjardlaegd og thar b'yr mamma hennar Onnu sem er audvita fodursystir m'in og 'eg hef bara einusinni s'ed. Thad var thegar 'eg var 5 'ara en eftir thad flutti hun til Englands og hefur aldrei komid heim s'idan. H'un er afar s'erstok gomul kona en hun t'ok m'er mjog vel og var umhugad um ad 'eg fengi ad sj'a sem flest. Svo 'i dag aetlum vid ad skreppa til London og eyda t'imanum thar og taka gomlu konuna med. 'A morgun aetum vid svo til Oxford og Cambrigdes og s'idan til Norfolk thar sem 'i gaer var ad greinast fuglaflensa 'i alifuglun. 'A sunnudagin forum vid svo 'i party, vinur theirra hj'ona er fimmtugur og er m'er bodid med. Sem sagt thetta er meiri h'attar skemmtilegt og 'eg hef sjaldan hv'ilst eins vel. Meira seinna. Bye, byebabies.....

Forskot á sumarfríið

Þá er ég kominn í tíu daga frí frá amstri hverstagsleikans og á bara eftir að henda einhverju ofan í tösku og er þá rokin af stað til Reykjavíkur og þaðan til Bretlands! Ég ætla sem sé að láta verða af því að heimsækja hana Önnu frænku mína sem býr í Bedford. Hún ætlar að vera svo væn að sækja mig á flugvöllinn og það eina sem hún bað mig um að gera var að kaupa harðfisk fyrir mömmu sína ef ég mætti vera að! Og það er auðsótt mál, ég geri það bara í fríhöfninni á morgun. Svei mér þá ég held bara að ég sé orðin spennt að fara. En ég læt vita af mér ef ég kemst í tölvu, en hafið þið að gott á meðan.

Og svona standa málin

Þetta er ömmubarnið hún Karen Harpa

Ekkert smá falleg stelpa

Og þarna er hún með eitthvað gott!

Læt fylgja myndir af barnabarni mínu sem þekkir mig ekki sem ömmu sína, grátlegt en satt. Ég skoðaði heimasíðuna hennar á Barnalandi og sá að minnst var á margar ömmur í dagbókinni hennar. Þar var ég ekki með og fannst mér það mjög sárt. Í dagbókinni var talað um skírn hennar og að langamma og amma í sveitinni hefðu verið skírnarvottar sem er alveg rétt en ég var líka skírnarvottur hennar og mætti með Rúnari föður hennar, ein af hans fjölskyldu en það greinilega"gleymdist" að tala um það. Nú er ég búin að ákveða að þar sem barnið ætti svo margar ömmur og gæti varla þverfótað fyrir þeim að ég skyldi bara draga mig í hlé. Mér finnst einhvernvegin að það sér best fyrir alla. En myndirnar af henni eru perlur og dýrgripir sem ég mun alltaf geyma og ég Þakka mömmu hennar af alhug fyrir að senda mér slóðina inn á heimasíðu hennar. Dísa mín, takk fyrir.

Úr vinnunni er það að frétta að dúkarinn mætti á staðinn í gær og byrjaði að eyðileggja búningsklefa karla!! Það er gjörsamlega allt í rúst hjá okkur í sundlauginni, og fyrir ykkur sem ekki skiljið þetta þá eru málavextir þeir að það er verið að laga búningsklefana hjá okkur sem ekki var vanþörf á. Eggert dúkari ákvað að taka karlaklefan fyrir fyrst og nú vísum við öllum karlmönnum sem mæta í sund niður í búningsklefa íþróttahússins. Það er svo sem ekkert að því, öll aðstaða er til staðar en vandamálið er að karlmennirnir verða að koma upp aftur og labba á baðfötunum í gegn um afgreiðsluna hjá okkur (úhhúúúlala gaman gaman fyrir okkur konurnar) og þaðan úr í laug. Við útskýrum þetta ástand auðvitað kurteislega áður en þeir borga sig inn svo þeir geti ráðið hvort þeim finnst þetta á sig leggjandi. Það verður að segja þessum elskum það til hróss að þeir taka þessu af stakri rósemi og brosa að vandræðagangi okkar. Aðeins tveir snéru frá og það fannst mér leiðinlegt því annar var fullorðinn maður úr Grundarfirði sem kemur mjög oft til okkar þegar hann er búinn að versla í Bónus. En svona verður þetta í mánuð og það er frekar mikið ryk sem fylgir þessu. Ég á kvöldvaktina í kvöld og morgunvakt á morgun og síðan er ég farin í frí til London. Kem ekki aftur heim fyrr en 7. maí svo hafið þið það gott þangað til ef ég kemst ekki í tölvu. 

Moralen er, ekki fara með bílinn þinn í skoðun

Ég verð að viðurkenna að dagurinn í gær er styttsta sumar sem ég hef lifað!! Það hvarf jafnskjótt og það kom og dagurinn í dag var kaldur og gekk á með éljum. Ég fór með bílinn minn í reglubundið tékk, og komst að því að þar sem ég stóð og gerði upp reikninginn, að nú væri kominn tími á svokallaða”tímarein” hvað svo sem það nú er. “ og hvað kostar það” spurði ég og þá var mér sagt að svoleiðis lagað mundi kosta nokkra tíuþúsundkalla. Hmm, “hvað marga svoleiðis” spurði ég? “já líklega svona fjóra til fimm” sagði verkstæðisformaðurinn og kinkaði kolli í áhersluskyni. Og þá sá ég orlofið mitt fljúga út um gluggann.

Nú er sumar gleðjist gumar gaman er í dag

Í dag er sumardagurinn fyrsti og þá finnst börnunum óhætt að fara að leika sér í stuttbuxum og stuttermabolum alveg óháð hitastigi. Veturinn kvaddi okkur með blíðskaparveðri en köldu og það fraus saman sumar og vetur hér sem þjóðtrúinn segir að boði gott sumar. Og það byrjar sannarlega vel. Glampandi sól, logn og ekki skýhnoðri á himni en svalt. Það vitnaðist á síðasta degi vetrarins að Bárður Eyþórsson, hinn frábæri þjálfari Snæfells í körfubolta er hættur og er að fara að þjálfa ÍR næsta vetur. Urðu heitar umræður í öllum kaffistofum bæjarins og í öllum skotum íþróttahússins og sitt sýndist hverjum. Er mikil eftirsjá í Bárði því hann hefur náð frábærum árangri með meistaraflokkinn. En auðvita verðum við að virða hans ákvörðun, því þetta er jú allt spurning um að geta framfleytt sér og sínum á því sem maður er að gera og hann fékk einfaldlega betra boð frá ÍR sem sýnir hvaða álit menn hafa á honum í þessum bransa. Ég óska Bárði til hamingju og vona að honum farnist vel hjá ÍR.

En það kemur alltaf maður í manns stað og við mætum tvíefld með frábæra unga stráka næsta vetur og vonandi fáum við góðan þjálvara. En ég er að fara að vinna og óska ykkur gleðislegs sumars með þökk fyrir veturinn.

Páskar á Víkurgötu 1

Páskaungarnir okkar Friðriks!

Við mæðgurnar

'Eg má til að sýna ykkur öllum þessa fallegu mynd af "páskaungunum" okkar Friðriks!!, og svo eina af okkur Dóru Lind.

Allt gott annars, er í fríi í dag og er að bíða eftir að það birti meira til þá ætla ég í gönguferð og síðan í sólbað í sundlauginni og synda pínulítið. Njarðvíkingar eru orðnir íslandsmeistarar í körfubolta, unnu Skallagrím stórt í Borgarnesi í gær. Ekki það sem ég vildi en þeir voru bara betri. Til hamingju Njarðvík. 

Páskafríið hennar Oddrúnar

Þá er páskahelgin að verða liðin og ekki lagðist ég í neitt flakk nema ef hægt er að kalla það flakk að ég skrapp tvisvar í Grundarfjörð, á Skírdag skruppum við Dóra Lind í klukkutíma og svo að kvöldi Föstudagskins langa, þá var stelpunum ekið á ball með Sixties og við Friðrik fórum í heimsókn til Maju og Árna og stoppuðum alveg til eitt um nóttina. Alltaf jafn gott að koma til þeirra hjóna og ekki skemmir hvað heimilið þeirra er fallegt og hlýlegt.

Það var gestagangur hjá okkur Friðrik yfir páskadagana. Byrjaði með því að á miðvikudagskvöld kom Rúnar minn í kvöldmat, hann var á leiðinni suður því þar var greinilega eitthvað mikilvægt sem kallaði á hann en hann var að vinna á Hellisandi hjá Írisi og Dóra í húsinu þeirra. Ég bauð honum að vera yfir páskana en hann vildi það nú ekki. Sagðist koma seinna. Hann kemur trúlega aftur í dag og þá veit ég ekki hvort hann komi við hjá mér, það verður bara að koma í ljós, hann er hjartanlega velkominn. Drífa kom líka það kvöld og Dóra Lind morguninn eftir. Drífa fór svo á laugardeginum en þá komu Arna, Hjálmar og dætur alveg óvænt. Þau höfðu ætlað á skíði á Snæfellsjökli en veðrið bauð ekki upp á það.
Dóra Lind og Arna og co. fóru svo heim í gær. Það er alltaf gaman að fá gesti en að þessu sinni gat ég svo lítið sinnt þeim því ég var að vinna yfir páskahelgina.

Það var þarft verk og löngu orðið tímabært að hafa sundlaugina opna yfir páskana og fá þeir sem réðu því marga plúsa og rósir í sína hatta!! Það er til lítils að reyna að byggja upp ferðamennsku hér ef öll afþreying fyrir ferðamanninn er svo lokuð, Ekki satt?, og hvað aðsóknina varðar var laugardagurinn mjög annasamur og minnti mig á dönsku daga traffíkina en það var aftur minna á páskadaginn enda veðrið bæði kalt og hvasst. En þeir sem komu voru alsælir og sögðu þetta vera til fyrirmyndar og ætluðu að auglýsa Stykkishólm sem frábæran ferðamannastað til að dvelja á og benntu jafn framt á að þó svo aðsókn gærdagsins væri undir væntingum okkar, þá tæki þetta alltaf tíma að fréttast og svo hefði þetta verið illa eða ekkert auglýst. Svo verður að koma í ljós hvernig dagurinn í dag verður, vonandi verður hann beti en í gær. Ég læt vita af því en nú verð ég að rjúka svo ég komi nú ekki of seint í vinnuna!!

Heiðskír Skírdagur

Ég vaknaði kl 6:30 í gærmorgun við sólina sem skein inn um gluggan á svefnherberginu, og þrátt fyrir myrkvunartjöld var skellibjart og ég gat ekki með nokkru móti sofnað aftur. Fór bara fram og hitaði mér kaffi og var eitthvað að dunda mér við að lesa blöðin. Úti var besta veður "lengi", en dálítið kalt. Ég hitti Erlu fyrir utan sundlaugina kl. níu og við fórum okkar klukkutíma morgunrúnt og fengum okkur kaffi í bakaleiðinni hjá Nesbrauði. Þegar við höfðum lokið við kaffið var farið í sund. Við byrjuðum í heita pottinum, færðum okkur síðan í vaðlaugina og síðan var synt aðeins. Ég er að byrja aftur á að synda skriðsund og bakskrið, finn að lungnaþolið hefur batnað verulega síðan ég hætti að reykja. Já, vel á minnst, ég á níu mánaða reykleysisafmæli eftir fjóra daga!!! Ég lá svo í sólbaði í vaðlauginni til kl. hálf tvö í gær og þegar ég kom heim var Friðrik einmitt að rjúka af stað út í eyjar. Fyrsta ferðin í Eyjarnar staðreynd og þá er pottþétt komið vor. Dóra Lind kom um hálf fimmleitið og við skruppum rúnt í Grundarfjörð í veðurblíðunni. Ég fór og fékk mér kaffi hjá Árna og Maju. Þegar við komum heim aftur nennti ég ekki að elda og við Dóra hringdum á Drífu sem var kófsveitt upp á spítala við próflestur og spurðum hvort hún vildi ekki borða með okkur á Narfeyrarstofu. Hún var til í það og við höfðum það æðislega gott og borðuðum góða hamborgara með öllu tilheyrandi. Síðan voru teknir nokkrir rúntar og farið síðan heim að "hygge sig" Nú að morgni föstudagsins langa er veðrið aftur á móti ekki jafn gott, stíf austanátt og eins stigs frost. Ég ætla samt að hitta Erlu klukkan níu en hvort við göngum mikið verður bara að koma í ljós. Ég er hálf eftir mig síðan í gær og væri alveg til í að taka það bara rólega. Í kvöld ætla ég að keyra Dóru Lind í Grundarfjörð því hún ætlar á ball með Sixties. Svo er það vinnan á morgun og þá er páskafríið búið hjá mér.

Vikan í hnotskurn

Það hefur verið í nógu að snúast hjá mér undanfarið og ég hef verið löt við að blogga. Bæti út því með stuttu ágripi yfir það sem ég hef verið að gera síðan síðast.

• Ég fór í bæinn á fimmtudaginn var eftir vinnu og fór til tannlæknis á föstudeginum. Sá góði maður var næstum búinn að ganga frá mér og ég sem á eftir að fara þrisvar enn. Fór í framhaldi af því með deyfinguna ennþá í mér og verslaði mér kjól og mussu. Heimsótti síðan Svönu frænku og Tásu litlu. (Tása er æðislegur kettlingur sem Svana var að fá)


• Man ekki hvað ég gerði á laugardeginum annað en að fara með Dóru Lind á fund í Héðinshúsinu og heimsækja Svönu aftur, jú við Friðrik fórum og græjuðum fermingargjöf því systurdóttir Friðriks var að fermast á sunnudaginn var.


• Á sunnudeginum fórum við Friðrik Reykjanesrúnt í þokkalegu veðri og komum við í Bláa Lóninu í bakaleiðinni. Síðan var farið í fermingarveislu kl. 17:00. Þar hitti ég í fyrsta skipti móðursystkyn Friðriks og það var mjög skemmtilegt.


• Fór heim á mánudagsmorgun og hef verið að vinna síðan.


• Jibbíiiiiiii er að fara til London 26. apríl og verð í viku!!!!

Ég á sem sagt frí á morgun og föstudaginn og ætla að njóta þess að slaka á. Dóra Lind og Drífa ætla báðar að koma vestur og vera fram á laugardag. Hlakka til að sjá þær. Ég ætla að fara í sund og gönguferðir ef veðrið verður þokkalegt annars finn ég mér eitthvað til dundurs.

Fyrstu skrefin til sjálfshjálpar

Í gærkvöldi fór ég í fyrsta skipti á ævinni á Al-Anon fund hér í Stykkishólmi. Ég gerði það eftir að mér hafði verið bent á að hér væri félag og það væru allir velkomnir af yndislegri konu. Ég er svo heppinn að vinnuveitandi minn er þvílíkur yndælis maður og það var meira en sjálfsagt að fá að skreppa í klukkutíma. Fundurinn var öðruvísi en ég bjóst við og ég fór í pontu síðust hágrátandi var reyndar byrjuð að gráta áður. En þarna þarsem ég stóð í pontu og reyndi að tala um líðan mín og hræðslu, fann ég bókstaflega streyma frá félagsmönnum bæði styrkur og samhugurþví þetta fólk þekkir þett af eigin raun. Takk fyrir og ég kem aftur á fundi til ykkar. Og þetta er fyrsta nóttin mín sem ég sef vel í marga mánuði. Og í dag líður mér eins og litlu barni, sem er að læra að feta sig í lífinu og er óstyrkt á fótunum. En nú veit ég hvar ég get sótt mér styrkinn og hjálp.

Út að borða með Drífu og Sigrid

Þessar myndir voru teknar á Narfeyrarstofu þegar við borðuðum þar í gærkvöldi. Stelpurnar skemmtu sér vel og í dag skoðuðu þær Víkingaskipið sem er verið að smíða í Skipavík. Þær eru nýfarnar af stað til Reykjavíkur og nú er hann farinn að blása á sunnan og gaman að vita hvernig veðrið verður á morgun því við Erla ætlum að fara í gönguferð kl. átta. 

Dekur

Þetta var skemmtilegur sunnudagur hjá okkur. Í vinnunni var nóg að gera, veðrið gott og fólk kom bæði til að sóla sig þótt 6 stiga frost væri og til að synda. Svo var leikur hjá unglingaflokki og drengirnir gerðu sér lítið fyrir og unnu í mjög spennandi og skemmtilegum leik. Ég vil hvetja fólk til að koma og horfa á þessa leiki því þeir eru engu minni skemmtun en leikirnir hjá meistaraflokki. Þegar ég kom heim úr vinnunni var Drífa komin í heimsókn með noska vinkonu sínu og við fórum á Narveyrarstofu og fengum okkur að borða. Namminam..

Í dag átti ég vaktafrí sem ég eyddi í tómu dekri. Fór kl. átta í morgun í gönguferð með Erlu og síðan beint í sund þar sem ég synti hálfan kílómeter. (Hljómar “lengra” en 500 metrar ekki satt) Síðan í pottinn og svo í vaðlaugina þar sem við lágum í sólbaði til 11 í morgun. Æðislegt. Síðan fór ég á snyrtistofu Katrínar til að fá augabrúnir, því klórinn í sundlauginni upplitar þær. Sem sagt æðislega góður dagur!!

Afmælisbarnið

Heima aftur

Komin heim aftur

Þá er ég komin heim aftur. Dreif mig af stað fyrir átta í gærmorgun og keyrði eins og óð væri því ég ætlaði að ná Friðrik áður en hann færi í bæinn. Ég keyrði í gegn um reykjarmökkinn af sinubrunanum á Mýrunum og ég finn ennþá reykjarlyktina. Ég finn til með þeim sem búa í nágrenni við eldinn, það hlýtur að vera nærri óbærilegt fyrir hita og svælu. Friðrik var farinn .þegar ég kom heim og það skrýtnasta var að ég varð aldrei vör við að ég hafi mætt honum.

Það var mikið fjör í vinnunni í gærkvöldi, 7.,8.,9., og 10. bekkir fengu að hafa innilaugina útaf fyrir sig og voru með heljar sndlaugarpartý. Þau skreyttu með blöðrum og settu upp blaknet og svo var mússík á fullu. Þetta gekk vonum framar og þessir krakkar eru alveg ótrúlega skemmtileg.

Í dag 1. apríl á hún Dóra Lind mín afmæli, er 21 árs. Til hamingju elskan. Ég á sem sagt vinnuhelgi og er að rjúka í vinnuna. Until later!!

Annir í Reykjavík

Þá er Reykjavíkurdvölin að taka enda, dríf mig heim í fyrramálið. Það er búið að vera alveg brjálað að gera við að heimsækja ættingja og vini og í gær fór ég úr Mosvellsbænum upp úr níu og kom ekki heim fyrr en um miðnætti. Ég fór reyndar til tannlæknis í gær og svo aftur í morgun og þá byrjaði nú ballið!! Ég er viss um að maðurinn er sadisti! Ég á eftir að ganga í gegn um svona píninar fimm sinnum í viðbót. Ég get ekki sagt að ég hlakki mjög mikið til þess.

Við systurnar fórum á fund ættingja sem við höfðum aldrei séð í gærkvöldi til að skipuleggja ættarmót afkoenda langafa og langömmu í föðurætt. Það á að koma saman á ættaróðalinu sem er Þverá í Laxárdal og skoða gamla bæinn sem er safn í dag. Síðan ætlum við að borða saman í Ídölum og hafa það skemmtilegt. Afkomendur Langafa og langömmu eru ekki mjög margir, eitthvað um 70 manns fyrir utan maka. Þetta verður skemmtilegt og vonandi verða veðurguðirnir okkur hliðhollir. Ég hlakka til að komast´heim í Stykkishólm og fara í gönguferðir og sund með henni Erlu.

Hávaðarok

Þá er ég komin heil og höldnu í bæinn. Veðrið var ekki svo slæmt, að minnsta kosti mun skárra en ég bjóst við eftir veður"hræðslu"fréttunum að dæma.
´
Ég tók þetta próf hér á síðunni hennar Dóru Lindar og skora ég hér með á fólk að prófa, bara gaman.

http://www.b2.is/?sida=tengill&id=156085

Svona dey ég!
You will die at the age of 113 You will be poisoned by your ex from your 7th marriage .

Annars hef ég ekki meira að segja í bili, Kristín Ýr ætlar að reyna að lappa upp á lookið og klippa mig í kvöld.

Teikn á lofti?

Ég held svei mér þá að tölvan mín hafi smitast af þessari pest sem hefur verið að hrjá fjölskylduna undanfarið. Ég kemst ekki á netið heima en Summi segir að þetta sé routerinn en ekki tölvan. Hvoru tveggja slæmt. Já ogsvo eru komin drög af teikningum af stækkuninni á Víkurgötu 1, og okkur líst mjög vel á hugmyndir bærings Bjarnars. Vonandi verður hægt að byrja með haustinu það væri alveg frábært. Er hætt við að fara í bæinn í dag, veðrið alveg hundleiðinlegt. Legg á stað snemma í fyrramálið.

Slen

Jæja þá er ég aftur mætt í vinnuna eftir lasleika og fríhelgi sem fór eiginlega í þennan lasleika minn. Sem betur fer get ég útilokað strax "óléttu" þannig að þetta skrifast á magakvef!! Fékk góða gesti um helgina, Kristínu, Jónas og börn. Það var lurkur í þeim líka þau voru með þessa magapest svo það var ekki bara ég sem var hálf aumingjaleg. Tölvudruslan mín er eitthvað biluð, er að skrifa þetta í leyfisleysi í vinnunni eða þannig!! Fer til Rvk. á þriðjudaginn í "einkaerindum" og kem aftur í vinnu á föstudaginn. Annars allt í orden.

Yðrakvef

En skemmtilegt. Er búin að sitja á dollunni í alla nótt með vaskafat fyrir framan mig. Ég held nú að ég sé eitthvað að jafna mig en ég held ég hvíli mig bara á vinnunni í dag. Ég sem ætlaði að vera svo dugleg í dag, heimsækja Dóra og Guðna rafvrkja og gera ýmislegt hér heima. Verð vonandi orðin hress á morgun því Kristín Ýr og Jónas ætla að koma í heimsókn með krakkana yfir helgina. Hér er leiðindaveður, snjófjúk og þriggja stiga frost og aðeins að byrja að birta.

Svona er lífið!!

Þannig fór um sjóferð þá! Snæfell tapaði fyrir KR í æsispennandi oddaleik um sæti í fjögra liða úrslitum og eru komnir í sumarfrí. Ég held að æstustu stuðingsmenn liðsins hafi þurft áfallahjálp að leik loknum, svo miklar voru væntingarnar til leikmanna. Við skulum ekki gleyma því að þetta er eigi að síður frábær árangur hjá Snæfelli, sem varð fyrir mikilli blóðtöku í fyrravor þar sem lykilmenn fóru annað. Þetta lið er skipað ungum strákum sem eru uppistaðan í unglingaflokk okkar margir hverjir og þeir koma til með að verða áfram og þroskast sem leikmenn. Ég er þegar farin að hlakka til næsta leiktímabils og veit að þeir ná lengra þá. Svo áfram Snæfell.

Ég er búin að vera að ganga á morgnana með vinkonu minni henni Erlu Harðardóttur sem er algjör göngugarpur. Ég hef ekki roð í hana en hún lætur sig hafa að drusla mér með. Þetta er æðislega gott og gaman að hafa félagsskap og geta spjallað um heima og geyma. Síðan förum við í sund og heitapottinn á eftir. Þetta er algjört dekur, maður dúllar við sig eftir sundið, með kremum og fínheitum og fær sér svo kaffi á eftir. UMMM mér finnast þetta vera forréttindi að geta leyft sér svona munað.

P.S. Vigtin er heldur að síga niðrá við, það skemmir nú ekki!!

Vonbrigði

Æ ææ, er alveg miður mín. Snæfell tapaði með eins stigs mun í einum þeim mest spennandi leik sem ég hef á ævi minni séð. Nú er ég hrædd um að róðurinn verði erfiður í þriðja leiknum sem verður á þriðjudaginn í KR- heimilinu. Við sjáum hvað setur.

Gjafmildi

Mikið er Bónusfjölskyldan rausnarleg!! Þau ákváðu, trúlega í gleðivímu eftir að hafa unnið málaferlin við ríkissaksóknara að bjóða íslenska ríkinu fram “hina kinnina” og rétta Barnaspítala Hringsins litlar 300 milljónir króna til rekstur á hágæsluherbergis. Já 300 milljónir!! Hvernig ætli sé að eiga svona mikla peninga að geta bara rétt 300 millur til eins verkefnis og 400 millur til annars og eiga samt ekki aura sinna tal.? Ég vildi gjarnan prófa það. En það rýrir ekki á neinn hátt gildi gjafarinna þeirra feðgina og svo er bara að sjá hvort verði hægt að manna slíka deild þar sem ekki er talið að margir sjúklingar þurfi á þessari þjónusta að halda sem betur fer.

Ég hef verið að skreppa í heimsóknir til Dóra hennar Írisar systurdóttur minnar sem liggur á bakdeildinni hér í Hólminum. Hann er sem betur fer að koma til og fékk helgarfrí um helgina. Á að koma á mánudag og vera líka næstu viku og vonandi fær hann þann bata að hann þurfi ekki í uppskurð. Svo er Guðni rafvirki úr Grundarfirði kominn á sjúkrahúsið og verður næstu átta vikurnar. Ég heimsótti hann í gær og líður honum nú ekki mjög vel. Hann datt niður af þaki á Beinamjölsverksmiðjunni í Grundarfirði á laugardaginn var og slasaðist afar illa. Báðir öklar hans hreinlega méluðust og svo brotnaði lærbeinið og mjaðmarbeinið öðru meginn. Hann er heppinn að hafa sloppið lifandi því þetta var 3-4 metra hátt fall.

Seinni leikur Snæfells og KR er í dag og búist er við að fólk fjölmenni á leikinn. Eins koma margir stuðningmenn með KR- liðinu og verður nóg að gera hjá okkur Magga og Rabba. Það er alltaf samt rosalega gaman í vinnunni þegar svona aksjón er. Gef ykkur update þegar ég kem heim í kvöld.

Sætur sigur Snæfells

Fyrsti leikurinn milli Snæfells og KR er yfirstaðinn og okkur Hólmurum og öðrum velunnurum til ólýsanlegrar ánægju höfðum við betur, naumlega, en betur samt. Þá er að bíta í skjaldarrendur og búa sig undir leikinn í Hólminum á laugardaginn. Við verðum að vinna hann (sem ég veit að við gerum) og þá eru KR- ingar fallnir úr meistarakeppninni. Það verður fjör í vinnunni um helgina eins og nærri má geta. Púff, púff.

Jón Örn ætlar að koma í heimsókn um helgina og ég hlakka til að fá hann. Það er orðið mjög langt síðan hann hefur komið vestur, einhvern tímann löngu fyrir jól. Síðan kemur Dóra Lind í mýflugumynd á laugardeginum og fer á sunnudag aftur. Ég fór í gönguferð með Erlu í morgun og síðan syntum við og enduðum í pottinum. Ég held að ég hafi stoppað of lengi í honum því ég var hálfdösum í allan dag en nú er mál að linni, góða nótt.

Staksteinar

Í dag hefst úrslitakeppnin í körfubolta. Það verður spennandi að fylgjast með henni og vonandi gengur Snæfelli vel. Þeir byrja á móti KR-ingum í KR-heimilinu og því miður eru sigurlíkur þeirra minni en meiri. Þeir verða helst að vinna í kvöld, því það er líklegra að heimaleikurinn vinnist en hann er á sunnudaginn. Þetta er útsláttarkeppni og það liðið sem vinnur tvo leiki af þremur kemst áfram í næstu umferð. Ég hef ekki góða tilfinningu gagnvart leiknum, held því miður að þetta séu síðustu leikirnir okkar á þessu leiktímabili.Vatnalögin voru samþykkt á Alþingi í sæmilegri sátt og ekki kom til frekari ryskinga á hálfu alþingismanna. Mér satt að segja fannt þetta grátbrosleg hegðun á þeim mönnum sem eru kosnir til að setja lögin í landinu okkar. Í Rússlandi tíðkast þetta enn að menn sláist í  Dúmunni en einhvern veginn horfir það öðruvísi við ef það gerist á Íslandi.Og nú er hún Snorrabúð stekkur!! Bandaríkjamenn eru að fara með varnarliðið sitt frá Íslandi!! Ekki það að ég komi til með að sakna þeirra mikið, en við hefðum getað haft meiri not af þeim en gert var en “þjóðarstoltið” okkar kom í veg fyrir það. En hvar er það nú?  Mér heyrist á alþingismönnum að þeir séu ekki tilbúnir að missa herinn úr landi. Skrýtið!!!

Vatnavextir

Það er alveg óborganlegt að fylgjast með umræðum á okkar háa Alþingi um vatnalögin, sem verður víst að breyta vegna þess að þau voru sett árið 1928 en eru í lagi að öðru leyti. Breytingarnar eiga ekki að skerða rétt almennings til frjáls aðgangs að vatni eftir .því sem stjórnarliðar segja en stjórnarandstaðan vill meina að nú eigi að græða á vatninu okkar góða og ef þú getur ekki borgað fyrir vatnið þá verður þú bara vatnslaus! Semsagt þú átt ekki vatnið sem seytlar niður fjallshlíðarnar og ef þú ert í gönguferð og þig þyrstir, svalar þorsta þínum með því að bergja á tæru lindarvatninu, er það trúlega í óleyfi gert. Það eru ekki orðnar margar auðlindirnar sem við Íslendingar eigum sameiginlegar og að mínu áliti er vatnið sjálfsögð mannréttindi hér á landi. Ég er á þeirri skoðun að við eigum ekki að breyta lögum sem eru góð og gild og “breyta engu” eins og stjórnarliðar segja bara af því að þau voru sett snemma á síðustu öld. Svo mikill hiti er í sölum Alþingis út af þessum væntanlegu lagabreytingum að þingmönnum hljóp kapp í kinn og menn stjökuðu hvorir við öðrum. Þeir þyrftu bara að skella sér í kalda sturtu til að kæla sig en sennilega gera þeir það ekki fyrr en skýrist hverjir eiga vatnið góða á Íslandi..........