Helgarsukkið

Þá er fríhelgin liðin og var hún mjög notaleg. Við fengum heimsókn, Gerða, Sindri og Seimur brugðu sér í sveitina. Þau voru nú kannski fyrst og fremst að heimsækja Immu hjúkku sem er besta vinkona Gerðu. Við Friðrik skruppum út á Hellisand til að sjá húsið sem Íris og Dóri eru að byggja. mög rúmgott og flott hús, verður örugglega frábært þegar það klárast og staðsetningin er meiri háttar, útsýnið engu lýkt. Við hittum Írisi og Ísabellu og Hrein Inga. Ísabella var með flensuna alveg sárlasin og Hreinn Ingi var feiminn fyrst. Ég var alveg undrandi þegar ég kom niður á Rif, að sjá hvað hefur byggst þar upp undanfarin ár. Hellisandur hefur nú voða lítið breyst og þyrfti að taka til hendinni þar víða í umhirðu húsa og garða. Við vorum komin heim um sex leytið og Ég heimsótti Dóra upp á sjúkrahús. Hann er bara illa haldinn en vonandi gengur þetta til baka. Hann verður allavegana ekki látinn vera svona lengi ef bakþjálfun hjálpar ekki. Þá er það bara Reykjavík og trúlega aðgerð. En þeir ætla að sjá hvernig gengur þessa viku. Sindri og co fóru fyrir hvöldið, ég hafði matinn bara snemma. Eldaði svokallaðan”mömmu/ömmumat. Gamaldags læri, brúnaðar kartöflur, rauðkál (heimalagað) og asiur og svo auðvitað sulta með mammimamm. Ég á kvöldvakt í kvöld og svo helgarvakt næstu helgi svo það er vinnutörn framundan.

Og meira fjör!!!

Þá er kominn föstudagur og helgi að bresta á. Mikið fannst mér gott að koma heim úr Reykjavík þótt það væri gaman að hitta vinkonurnar. Hún Hildur mín vann málaferlið við Landspítalan og henni voru dæmdar 6,8 milljónir í bætur, 25% öryrkja og 15% miski. Ég vona að hún vinni líka málið fyrir hæstarétti. Þetta var frábært. Ég á helgarfrí þessa helgina, var að vinna í gærmorgun og lenti í ótrúlegri uppákomu í vinnunni. Tölum ekki meira um það!! Maggi var þrítugur og kom með köku fyrir okkur. Salbjörg og María, vinkonurnar úr Grundarfirði komu í heimsókn og við fórum út að borða á Narfeyrarstofu, mjög fínt. Ég missti af síðasta leik Snæfells sem var í gærkvöldi en þeir burstuðu Þór frá Akureyri. Í kvöld á ég von að Greðu, Sindra og Seim og ætla þau að vera yfir helgina. Það verður skemmtilegt að fá þau, því þau hafa ekki komið síðan í desember. Rúnar minn var eitthvað að tala um að koma líka en ég hef svo ekkert heyrt frekar. Þetta kemur allt í ljós, hann er jafnvelkominn og aðrir í fjölskyldunni.. Semsagt stefnir í annasama helgi.

Reykjavíkurferð

Kom til Reykjavíkur í gærkvöldi beint úr vinnunni og beint í dýrindis kvöldverð hjá Kristínu og Jónasi. Þau höfðu grillað lambalæri og kartöflur og búið til æðislegt hrásallat. Ég borðaði á mig gat því þetta var svo gott og ég hafði eitthvað lítið borðað. Andri og Sunneva hafa stækkað síðan ég sá þau síðast en það var um áramótin. Höfðum það svo notalegt og spjölluðum fram eftir kvöldi.

Í dag fór ég í Sigurbogann og keypti mér afar röndóttan sundbol. Ég lét ekki þar við sitja og verslaði mér líka hvítar buxur , bol og peysu. Síðan ók ég sem leið lá vestur á Aflagranda til Hildar vinkonu sem ég hitti síðast 2. des. en þá átti hún afmæli. Í dag vorum við bara tvær í rólegheitum og spjölluðum um heima og geyma. Tarrotspilin dregin fram og lögð, svona eins og við vorum vanar að gera meðan ég bjó í Reykjavík. Þetta var alveg yndislegt og ég fann hvað ég hef saknað hennar og Huldu mikið. Þótt ég eigi vinkonur í Hólminum þá eru þær ekki svona nánar mér og Hildur og Hulda hafa ýmislegt brallað með mér í gegn um árin. Síðan fór ég heim til Kristínar og þar sem hún var að setja strýpur í vinkonu sína þá fór ég og Jónas með Sunnevu í fimleika. það var alveg frábært að sjá þessi litlu skott læra undirstöðu fimleikanna bara þriggja ára gamlar og mest að furða hvað þær voru hlýðnar og góðar. Þetta er sem sagt búin að vera mjög notalegur dagur en því miður er hún Dóra Lind mín orðin lasin, sennilega iflúensuskömmin sem er að herja á hana. Vonandi verður hún orðin hressari á morgun. Ég ætla að drífa mig í bólið og fara að sofa, góða nótt.....

Er að fara til Reykjavíkur

Í dag er sunnudagur og ég er að fara í tveggja daga frí eftir daginn í dag. Ég ætla að nota fríið mitt og brenna í bæinn til Kristínar og eins þarf ég að fara til tannlæknis á þriðjudaginn. Ég ætla að fara beint úr vinnunni verð trúlega ekki búin fyrr en um sex leytið. Það var þvílíkt að gera hjá okkur í gær enda veðrið með eindæmum gott. Við fengum sjötíu börn sem voru hér á lúðrasveitarmóti í sund í gærmorgun og var það mikið fjör og svo komu starfsmenn Ingvars Helgasonar Holding líka, þar sem þeir voru með árshátíð sína á Hótel Stykkishólmi. Í dag er Turnering, eða fjölliðamót hjá áttunda flokki pilta í körfu, fimm lið koma og heimsækja okkur. Það er greinilegt að þegar veðrið er svona gott er vorhugur kominn í menn og þótt að hafi verið frost undanfarið þá er birtan orðin svo skemmtileg. Meistaraflokkur Snæfells spilar við Hauka í kvöld í Kópavogi og vonandi gengur þeim betur með þá heldur en KR-inga. Jæja læt þetta duga í bili..

Tap gegn KR

Æ, ææ, æææ, við töpuðum fyrir KR í mjög spennandi leik með 4 stigum. Elskan hann Pálmi sem er fyrrverandi leikmaður Snæfells frá því í fyrra og íþróttakennari hjá okkur kafsigldi okkur með þriggja stiga skotunum sínum sem fóru flest ofnan í. Það verður að segjast eins og er að Snæfellsmenn gerðu það sem þeir gátu til að tapa leiknum, voru hreinlega lélegir og pirraðir og þá gekk ekkert upp hjá þeim. Við Vignir voru bara tvö á vakt og er það full lítið þegar á eftir að þrífa en allt gekk þetta og hann var svo sætur að leyfa mér að fara heim þótt ég ætti neðri hæðina og átti þess vegna að verða eftir og klára að ganga frá.

Er núna að fara að sofa í hausinn á mér, átti von á svila mínum í kvöld en hann hætti við að koma. Friðrik var búinn að handera reyktan Lunda sem átti að gefa honum en það er hans tap. Við komun honum örugglega út. Góða nótt........

Bestu dætur í heimi

Í gær þegar ég var á kafi við að elda saltkjöt og baunir var bankað. Ég rauk til dyra með svuntuna framan á mér og á tröppunum stóð Sigga P, sem er blómabúðareigandi með meiru hér í bæ með risastóran blómvönd í fanginu sem hún rétti mér. "Er þetta til mín?" spurði ég. "já" sagði hún, "þú átt svo marga leynda aðdáendur" og svo fór hún hlægjandi. Ég stóð veð undrunarsvip á andlitinu með blómin í fanginu þegar ég tók eftir kortinu sem fylgdi þeir. Ég reif það upp og þá var Dóra Lind að senda mömmu sinni blóm og tilefnið? Af því ég hætti að reykja í ágúst og af því að henni þykir vænt um mig. Finnst ykkur þetta ekki fallegt? En svona eru báðar mínar dætur elskulegar og hafa alltaf verið.

Nú er frost á Fróni en yndislegt veður að öðru leiti og ætla ég að fara í ræktina og sund á eftir. Svo ætla ég í gönguferð seinnipartinn. Sjáumst!!

Saltkjöt og baunir, túkall.......

Ég man vel eftir því þegar ég var lítil stelpa á Akranesi að við krakkarnir rifum okkur á fætur fyrir allar aldir til að geta náð ömmu minni og gamalli frænku minni í rúminu og bollað þær með litfögrum bolluvendi sem okkur hafði verið gefinn. Að launum fengum við rjómabollur og heitt súkkulaði. Þetta var mjög spennandi í augum okkar krakkanna og mér finnst synd að þessi siður skuli vera aflagður þótt hann sé kominn frá Danmörku. Á öskudaginn var verið með ofurskrautlega öskupoka sem mamma hafði hjálpað okkur að sauma og þeir voru síðan hengdir á fólk þegar það uggði ekki að sér. Aðalgrínið var að sjá fullorðna fólkið labba um með öskupoka á bakinu. því miður er þessi siður líka á undanhaldi en þó sá ég nokkur börn með öskupoka í íþróttahúsinu í dag og voru þau mjög spennt yfir grímuballinu sem á að halda þar á morgun. Ég er satt að segja mjög fegin því að vera í fríi á morgun.

Í gær fór ég í gönguferð með henni Erlu Harðar. Hún er þvílíkur göngugarpur að ég átti í mesta basli við að fylgja henni. Allavegana komst ég að því að ég var allt of mikið klædd og var farin að rífa af mér spjarirnar (úlpuna) í lok göngu. Við enduðum síðan í sundlauginni og þetta var alveg æðislegt. Við ætlum aftur á morgun. En í kvöld ætla ég að borða saltkjöt og baunir eins og sönnum Íslending sæmir. Saltkjöt og baunir, túkall................

Langafasta

Bolludagur er mánudagur á tímabilinu 2. febrúar og 8. mars, þ.e 7 vikur fyrir páska. Langafasta byrjar á miðvikudegi og algengt var að menn borðuðu ekki kjöt síðustu tvo dagana fyrir lönguföstu til þess að venja sig að léttu mataræði. Í þjóðveldislögum var það meira að segja bannað að borða kjöt þessa síðustu tvo daga fyrir föstuna. Bolluát og flengingar bárust til Íslands seint á 19. öld. Siðurinn að vekja fólk með flengingu er kominn hingað til lands frá Danmörku. Hann á sér líklega kaþólska fyrirmynd í táknrænum hirtingum á öskudag. En vöndurinn minnir líka á stökkul sem notaður var til að dreifa vígðu vatni á söfnuði í föstubyrjun. Flengingar og bolluát bárust til Íslands á 19. öld og virðast danskir og norskir bakarar hafa átt hlut að máli. Bolludagur er hins vegar talið vera íslenskt heiti á deginum. Siðurinn að slá köttinn úr tunnunni en enn í heiðrum hafður sumstaðar, ásamt fjöldagöngum barna í grímubúningum.
fasta: Í kaþólskum sið var ákveðinn tími ársins ekki leyft að borða kjöt. Það var kölluð fasta.
langafasta: Fyrir páska mátti ekki borða kjöt í 7 vikur, þessi tími var kallaður langa fasta vegna þess hversu langur tími þetta var.

1. í bolludegi

Þá er kominn sunnudagur 26. febrúar. Í dag á hún Kristín Ýr mín afmæli, er 32 ára í dag. Mér finnst ekki svo langt síðan hún var lítil trítla sem var frekar uppátækjasöm en alltaf voða góður krakki. En það hefur mikið vatn runnið til sjávar síðan þá og nú á hún sjálf tvö börn og býr í Mosfellsbænum með uppáhalds tengdasyni mínum honum Jónasi Bjarna. Kristín Ýr til hamingju með daginn.

Ég fór í bakaríið fyrir níu í morgun og keypti bollur í tilefni af bolludeginum sem er á morgun. Ég er löngu hætt að baka bollur, ég hef ekki gert það síðan ég skildi fyrir 10 árum. Best er að kaupa þær og styrkja bakaríið í leiðinni. Síðan horfði ég á 50 km skíðagöngu karla sem er lokagrein vetrarólynpíuleikanna í skíðagreinunum. Það var mjög spennandi og ótrúlegt að eftir tæplega 50 km gátu keppendur sekið til fótanna (skíðanna) og hreinlega hlaupið á skíðunum í mark. Þvílík þrekraun!!

Í gærkvöldi var vörutalning í Bónus og er það fjáröflun fyrir okkur Lionskonur í Stykkishólmi. Ég taldi frá klukkan 19 til 22 og þá fór ég heim. Er að hugsa um að skella mér í sund á eftir í góða veðrinu og svo er vinna á morgun að vanda.....

Sætur sigur

Jæja þá er best að deila fréttunum með ykkur!! Við unnum Njarðvíkinga 54-51 í æsispennandi leik þar sem varnarleikurinn var í fyrirrúmi hjá báðum liðum eins og stigaskorið segir til um. Þetta var sætur sigur og vonandi vinnum við Skallagrím á sunnudagskvöldið líka. Góða nótt.

Og meira fjör.....

Það eru aldeilis breytingar í veðráttunni þessa dagana. Í gær var kolbrjálað veður, ofsarok og úrhellisrigning og varla stætt. Ég er ekki að ýkja, en það rigndi hreinlega inn til okkar þar sem við sátum í gæslunni og mesta vinnan var að hlaupa með fötur til að setja undir lekana í íþróttamiðstöðinni og vinda tuskur en ekki í gæslu því eins og gefur að skilja voru ekki margir gestir í sundlauginni þann daginn. Svo virðist sem veðurfarið hafi hlaupið í úrvalsvísitöluna því hún snarlækkaði og hlutabréf í íslenskum fyrirtækjum sömuleiðis. Í dag er svo allt annað upp á teningnum, einmunablíða, sól og logn og Hólmurinn skartar sínu fegursta. Aðsóknin í laugina góð og úrvalsvísitalan hækkaði um þrjú og hálft prósentustig af einskærri ánægju með veðrið. Þá hækkuðu hlutabréf í síslenskum fyrirtækjum í samræmi við það. Ég tók þá ákvörðun í dag að selja þessi fáu hlutabréf sem ég á og setja gróðann af þeim inn á öruggan reikning. Ég treysti ekki að íslenski hlutabréfamarkaðurinn hækki mikið meira í bili en hef svona frekar á tilfinningunni að hann lækki umtalsvert á næstu vikum og mánuðum. Ætla að taka andvirði höfuðstólsins og setja í erlendan hlutabréfasjóð hjá kb-banka og sjá til. Svo er stórleikur í körfuboltanum í kvöld, Snæfell og Njarðvík eigast við. Verður gaman að geta farið sem áhorfandi og setið i rólegheitum og notið leiksins en vera ekki á hlaupum í vinnunni. Fræði ykkur í kvöld um hvernig gekk svo áfram Snæfell................

Þótt hann rigni, þótt hann digni...

Á þessum drottins degi rignir hér eldi og brennisteini og hitastigið er ótrúlegt. Það er 10 stiga hiti eins og er. Ég held að veðurfarið hljóti að hafa farið eitthvað farið árstíðavilt, þetta veðurfar á að vera snemma á vorin en ekki um miðjan vetur.Nema vorið sé svona snemma á ferðinni en ég hef nú ekki trú á því. Ég fór í blóðprufur í morgun, það á víst að athuga hvort allt sé eins og það á að vera því þessi slappleiki og ónot sem hafa hrjáð mig eru ekki beint spennandi. Ekkert hefur fundist nema að blóðþrýstingurinn er allt og hár og er ég að fara á lyf út af því. Verð líka að fá mér mælir og mæla blóðþrýstinginn tvisvar á dag. Kannski er blóðþrýstingurinn þetta hár vegna komandi kosninga því óneitanlega kominn kosningahugur í mig. Ég fór reyndar ekki á fundinn hjá Sjálfstæðismönnum og óháðum en hann var haldinn í gærkvöldi. Var hann vel sóttur og þar var birtur framboðslisti til bæjarstjórnar og er ég virkilega ánægð með hann. Allir sem eru á honum eru virkilega hæfir einstaklingar og hlakka ég til að fá að leggja þeim lið í kosningabaráttunni. Það verður mikil vinna hjá þessu fólki sérstaklega vegna þess að þrír af núverandi bæjarfulltrúum gefa ekki kost á sér lengur. En svona gengur þetta í stjórnmálunum, það verða alltaf mannaskipti endrum og sinnum. Nýjir vendir sópa best segir máltækið og veit ég að “listafólkið” okkar lætur ekki sitt eftir liggja. Það eru jú alltaf sömu áherslurnar hjá öllum flokkum í svona litlu bæjarfélagi og er þetta frekar kosning um menn frekar en málefni. Ég trúi því að minn flokkur, Sjálfstæðisflokkurinn, sé með bestu mennina og vil ég veg hans sem mestan.

Eurovision

Þá er þessi helgin afstaðin og ég ligg lasin aftur!! Vaknaði með þvílíkan höfuðverk og beinverki klukkan sex í morgun. Átti að mæta í vinnu klukkan sjö og skellti mér í sturtu til að reyna að hressa mig við en ekkert dugði. Er búin að sofa síðan og mér finnst ég heldur vera að hressast. Vonandi hristi ég þetta af mér fljótt.

Það var annars nóg að gera hjá okkur í lauginni, ég held bara svei mér þá að flestir gestirnir hafi verið fólk utan af Nesi, sem kemur og verslar í Bónus og fer í sund á eftir. Mér finnst alveg frábært að sjá hvað margir af Grundfirðingum og Ólsurum nú og líka Söndurum, best að gleyma nú engum, koma og nýta sér þessa frábæru aðstöðu sem er hjá okkur í Hólminum.

Svo kórónaði nú helgina söngvakeppni Sjónvarpsins sem var virkilega flott. Kynnarnir, þau Brynhildur og Garðar voru öll að koma til og ef keppnin hefði verið tveimur þáttum lengri þá hefðu þau verið orðin nokkuð góð. Úrslitin komu ekki á óvart, ég meira að segja kaus Sylvíu Nótt og lagið “Til hamingju Ísland”, og rökin fyrir því voru að þetta var eina lagið eftir forkeppnina sem ég mundi laglínuna úr. Hvort hún skili okkur einhverju í Aþenu í vor er svo annað mál en mér finnst allt í lagi að hrista aðeins upp í keppninni. Æi, nú er ég aftur komin með kúndrandi hausverk svo ég ætla að drífa mig upp í rúm.........

Fráhvarfseinkenni

Mikið vildi ég að ég væri að fara í bæinn yfir helgina!! Það er afmælisveisla hjá Andra Frey, hann er sjö ára í dag. Hugsa sér hvað tíminn flýgur áfram, mér finnst eins og það hafi verið í gær sem hann var með bleyju, tja eða kannski í fyrradag. En það verður afmælisveisla hjá Kristínu Ýr og hún gerir heimsins bestu kökur og smárétti, mammi mamm. En svona er lífið stundum, ég verð í þess stað að mæta og sinna gestum íþróttamiðstöðvarinnar þar sem það er nú einu sinni vinnan mín. En Ég hlakka til að koma til Reykjavíkur í byrjun mars, hef ekki komið í tvo mánuði og er eiginlega komin með frákvarfseinkenni. Væri alveg til í smá djamm og skoða skemmtistaðina.......

Annir á Þorra

Það er búið að vera svo mikið að gera hjá mér að ég hef ekki mátt vera að því að blogga. Ég hef verið að vinna tvöfalt og er það alveg hægt dag og dag en mikið verður maður þreyttur. Mér skilst að við fáum inn nýjan starfsmann eftir mánaðarmótin, hún Sara Sædal ætlar að byrja hjá okkur. Hún er fín stelpa, skemmtileg og dugleg og krakkarnir þekkja hana vel og bera virðingu fyrir henni því hún er að þjálfa körfu og frjálsar íþróttir hjá nokkrum flokkum. Þá vonandi verður ástandið í íþróttahúsinu eðlilegt aftur.

Það var svo hryllilega kalt og hvasst í gær og fyrrakvöld að útilauginn kólnaði niður og í gær var hún komin niður í tæp 23 stig.(Á að vera 29-30) Hólmarar eru mikil hreystimenni, því bæði börn og fullorðnir létu sig hafa það og fóru í sund með það að leiðarljósi að það sem ekki dræpi mann, herti mann. Ég get samt sagt ykkur það í trúnaði að enginn stoppaði lengi og enginn þeirra dó.

Á sunnudaginn brestur á einn “blómabúðardagurinn” enn. Fyrir mína parta finnst mér ákaflega gaman af því að fá gjafir frá þeim sem mér þykir vænt um en ég legg samt til að við höldum okkur við okkar íslensku daga, s.s. bóndadag og konudag og sleppun Valentinusardeginum. Við þurfum ekki að apa allt eftir öðrum.

Það er greinilegt að tekið er að líða að kostningum. Maður sér fólk funda á hinum ýmsu stöðum jafnvel í íþróttahúsinu því kennararnir sumir hverjir eru greinilega pólutískt þenkjandi og jafnvel “listamenn”.Búið er að auglýsa fundi hjá Sjálfstæðismönnum og óháðum og einnig hjá hinni samsuðunni sem soðin var saman til þess að reyna að fella sjálfstæðismenn. Ég hef nú ekki trú á því að þeir hafi erindi sem erfiði en vaður veit samt aldrei. Það er samt spennaandi að vita hvaða fólk velst á listana og ég vona bara að mínir menn og konur “rústi þessu” eins og börnin segja.

Elsku stelpan hún Dóra Lind var að klukka mig og þó að Drífa hafi gert það í haust verð ég víst að reyna. Hér kemur æfiágripið ásamt fleiru.

     Fjögur störf sem ég hef unnið um æfina:
     

• Skrifstofustjóri og ritari á fasteignasölu


• Ritari hjá lögfræðing SÍT


• Kokkur á flóabátnum Baldri


• Sundlaugarvarsla

Fjórir staðir sem ég hef búið á um æfina:

• Akranes


• Grundarfjörður


• Reykjavík


• Stykkishólmur

Fjórar bíómyndir sem ég gæti horft á aftur og aftur:

• Silent of the lamb


• Zorro


• Run away bride


• The things about Mary

Fjórir sjónvarpsþættir sem mér líkar:

• Law and order


• Sjálfstætt fólk


• Gray’s Anatomi


• Bráðavaktin

Fjórar síður sem ég skoða daglega fyrir utan blogg:

• mbl.is


• stykkisholmur.is


• bi.is


• leit.is

Fjórir staðir sem ég hef heimsótt í fríum:

• USA (mörgum sinnum)


• Danmörk


• Austurríki


• Spánn, og mörg mörg fleiri

Fjögur matarkyns sem ég held upp á:

• Fiskur í allavegana tilbrigðum


• Lambakjörið okkar góða


• grænmetissallat með fetaosti og fleira góðgæti


• Sigin grásleppa

Fjórir staðir sem ég vildi heldur vilja vera á núna:

• Á Florida í sólinni


• Á Ítalíu á Olynpíuleikunum


• Í Danmörku+


• Í Wínarborg hjá Andreu vinkonu

Fjórir bloggarar sem ég klukka:

• Því miður er búið að klukka alla bloggara sem ég þekki.

Takk fyrir mig og mína..
          

Helgarupdate

Þá er kominn mánudagur og þetta yndislega helgarfrí á enda. Matarboðið hjá þeim Hemma, Gunna og Friðrik tókst með miklum ágætum, maturinn var mjög góður og þeir sýndu óvænta og skemmtilega takta sem ég átti allavega ekki von á. Rauðvínið var mjög gott og passaði vel með villibráðinni og síðan var setið og spjallað yfir kaffi og koniaci á meðan Hermann sýndi okkur sligdes-myndir úr Hólminum. Flestar vorun þær teknar fyrir um 35- 40 árum og var ótrúlegt að sjá hve mikið bærinn hefur breyst á þessum tíma. Margar þessar myndir eru sögulegar og ættu heima á safni. Við komum ekki heim fyrr en um þrjú leytið um nóttina og er búið að ákveða að endurtaka leikinn að ári á Sundabakkanum. Ég ætlaði að setja inn myndir af veislunni en myndavélin mín hafði eitthvað afstillst og myndirnar er ekki góðar en við sjáum nú til kannski fæ ég sendar myndir frá Bibbu og þá get ég skellt inn sýnishorni fyrir ykkur.

Sunnudagurinn fór bara í ekki neitt, ég var þreytt og sifjuð og nennti ekki að hreyfa mig, var ekki orðin góð af hálsbólgunni en nú held ég að ég sé öll að hressast. Drífa kom í heimsókn og fór aftur í gær, frekar stutt stopp hjá henni. En nú ætla ég að fara að græja min í vinnuna mína.....

Annar í helgarfríi

Ekki er ég nú alveg orðin góð af pestinni en þó er það í áttina. Ég er allavegana farið að velta fyrir mér hvort ég ætti að fara í ræktina en sleppa sundinu í dag. Það er frekar leiðinlegt fyrir mig að verða lasin einmitt þegar ég er komin í helgarfrí en ég er viss um að vinnuveitandinn er feginn því þá þarf hann ekki að kalla út einhverja á aukavakt. Kristin Ben er búin að vinna eins og geðsjúklingur, hún hefur tekið nokkrar tvöfaldar vaktir og svo er hún alltaf í vinnu hjá kærastanum. Hún er líka þreytuleg og ég held að hún verði að fara að hægja á sér ef hún ætlar ekki að veikjast líka. Næsta vika verður erfið hjá mér, þá þarf ég að taka allavega tvo tvöfalda daga. Þetta verður svona þangað til í byrjun mars en þá fáum við vonandi inn nýja konu.

Og svo eru það vetrarólynpíuleikarnir, stanslaus veisla fyrir augað, ég horfi á það sem ég get vegna vinnunnar og ræktarinnar og afganginn tek ég upp, vonandi bræðir videotækið ekki úr sér. Sem betur fer eru leikarnir haldnir á Ítalíu, þá er ekki nema klukkutíma tímamismunur. Hann var alveg að gera út af við mann þegar leikarnir voru haldnir í Sapporo, þá snéri maður sólarhringnum við. Friðrik hefur ekkert gaman að horfa á skíðin og ég verð að virða það við hann, ekki horfi ég á box............

En ég hlakka til í kvöld, nammi mamm.............

Pestarfár

Æi hvað mér líður illa, oj bara, því ég ætlaði að fara með Friðrik í bæinn, hann er að fara á ráðstefnu í dag og boðið upp á hótelgistingu eina nótt. Ég átti reyndar bara það erindi að kaupa mér sundbol og hitta börnin mín og heimsækja Guðrúnu systur og fjölskyldu. Í staðin ligg ég bara bakk með hálsbólgu og hita og magapest að auki. Nú gildir lögmálið ekki lengur um að “allt sem fer upp, fari aftur niður”, heldur allt sem fer inn fyrir mínar varir dvelur þar ekki lengi, heldur kemur niður.

Ég vona bara að ég nái þessu úr mér og verði hress annað kvöld á villibráðarkvöldinu okkar. Það var haldinn undirbúningsfundur hjá karlpeningnum í gærkvöldi og þeir ætla að mæta kl. 18:00 og byrja að elda. Við eigum að koma klukkutíma seinna og mæta þá uppábúnar í matinn. Ég ætla að taka myndavélina með og mun deila með ykkur myndum af herlegheitunum eftir helgina. Svo finnst mér tilvalið að koma þeim á óvart með blómum og konfekti fyrir hugulsemina.

Körfuboltafréttir

Snæfell vann í miklum baráttuleik 68-67.  Frábært við þurftum á þessu að halda.

Bilanavaktin

Þá er vinnuvikan búin hjá mér og ég komin í helgarfrí. Það er fínt því það bilaði flest sem bilað gat í vinnunni. Loftræstikerfið fyrir innisundlaugina bilaði og loftslagið þar var mjög tælenskt óbærilega heitt og rakt og ekki hægt að kenna þar fyrir hádegi. Rafvirkinn var kallaður út og þessi elska hætti ekki fyrr en hann kom þessu í lag. Síðan bilaði nuddpotturinn. Það var þannig að þegar nuddið var sett í gang, þá hvarf vatnið úr pottinum og gaus upp fyrir utan pottinn. Hreppararnir voru kallaðir til og mættu þrír galvaskir til að skoða ósköpin. (það dugði ekki færri) Þeir voru búnir að rífa upp hellurnar af stóru svæði og grafa djúpa holu og virtust hafa fundið eitthvað athugavert þegar ég fór af vaktinni. Annars var allt með kyrrum kjörum eins og venjulega. Ég er hálfslöpp, veit ekki hvað veldur en ætla að leggja mig smástund og mæta svo aftur í Íþróttahúsið á leik Snæfells og Grindavíkur til að hvetja mína menn. Leyfi ykkur að fregna úrslit leiksins seinna í kvöld. Until then........

Villibráð á laugardaginn

Það er svo skrýtið hvernig maður kynnist fólki á mismunandi hátt eftir því við hvaða aðstæður maður hittir viðkomandi. Ég fór að synda í morgun eins og í gær eftir að ég var búin að púla og hitti sömu konuna í pottinum og við spjölluðum um heima og geyma. Þessi ónefnda kona reyndist vera bæði fróð og skemmtileg og við skemmtum okkur vel við spjallið. Þesi kona kemur mjög mikið í sund og þegar ég hef hitt hana hinu megin við afgreiðsluborðið þá hefur mér virst hún vera frekar þung og alvörugefin en svona kemur fólk oft á óvart.

Í dag er einmuna blíða, logn og glampandi sól en ískalt nærri 7 stiga frost. En það er allt svo bjart og fallegt í sólskininu og svei mér þá það fer um mig “vorfiðringur” því það styttist í vorið og allt sem því fylgir. Friðrik, Ásgeir Gunnar og Hemmi eru á kafi við að undirbúa bátana fyrir vorið og á laugardaginn ætla þeir að elda fyrir okkur konurnar heima hjá Hermanni. Ég hlakka mikið til því það er alltaf gaman að fara út að borða með skemmtilegu fólki. Ég lét sérpanta eitthvað dýrindis rauðvín til að hafa með villibráðinni og það verður gaman að vita hvernig það kemur út. Þetta ku vera eitthvað eðalvín frá Portugal þrungið sól og sumaryl

Ekki ítur það vel út fyrir Dani

Ég fór í ræktina og í sund í gær og var þá hálf lasin. Ég held svei mér þá að ég hafi náð að hrista af mér lasleikan og allavegana leið mér miklu betur þegar ég var búin af öllu þessu. Það er víst betra að vera í fullu fjöri næstu vikurnar því það verður mikil vinna á okkur það vantar alltaf fólk. Nú er ein hætt í fjórða eða fimmta sinn síðan í vetur og mér skilst að hún komi ekki aftur í þetta sinn. Ég verð að segja að ég er nú bara hálf fegin því. Þetta var ekki orðið hægt gagnvart öðrum sem vinna þarna.

Ég ætla samt að fara í bæinn með Friðrik á föstudaginn og kaupa mér nýja sundbol því sá gamli er alveg að detta sundur og það væri nú hálf neyðarlegt ef það gerðist á meðan ég væri að synda. En hvar ætli ég fái fallegan sundbol annar staðar en í Útilífi? Ábendingar vel þegnar.

Aumingja Danir, þeir fóru aldeilis flatt á húmor sínum sem er nú alltaf góður. Alla vega fíla ég skensið hjá þeim. En það er víst betra að vita hverjir kunna að taka gríni, því það eru miklir hagsmunir í húfi fyrir þá. Og ekki er lengur örugt fyrir danska þegna fyrir að heimsækja eða búa í þessum löndum. Ég segi enn og aftur, þetta er bilað fólk og ég vona bara að við lendum ekki í vændræðum með það seinna. Sjáið þið ekki það fyrir ykkur hvað hefði gerst þegar landhelgisdeilan stóð sem hæst ef Bretar hefðu brennt fána okkar og hótað að drepa þá íslendinga sem þeir næðu í ?

Hálsbólga og hausverkur

Nú er helgin af baki og fólk búið að fara á skemmtun ársins. Mér skilst að þetta hafi verið að vanda afar skemmtilegt og mikið fjör. Fólk var í sínu fínasta pússi og dansaði fram á rauða nótt. Hjá mér var mikið fjör líka en bara öðruvísi. Ég man ekki eftir svona örtröð af fólki í sundlauginni síðan í sumar. Hér eiga margir sumarhús og greinilega voru þeir velflestir mættir á staðinn og allir fóru í sund. Stykkishólmsbær styður Latabæjarverkefnið með því að bjóða öllum grunnskólabörnum frítt í sund og nýttu börnin sér það í ríkum mæli. Frábært framtak og mættu fleiri bæjarfélög taka sér þetta til fyrirmyndar.Veðrið var eins og á sumardegi, 8 stiga hiti og sól með köflum (hafið þið séð köflótta sól?) Birta og Friðrik voru jafn róleg og góð og venjulega og ekkert fyrir þeim haft.

Í dag á ég frí og ætlaði að fara í bæinn í morgun og koma heim á miðvikudag beint í vinnuna en ekkert varð úr því þar sem ég næaði mér í hálsbólgu og hausverk og hitaslæðing. Frekar fúlt. En svei mér þá ég er bara hreinlega að hugsa um að skella mér í ræktina seinnipartinn og athuga hvort ég hressist ekki. Mér líður þannig að ég held að mér geti ekki annað en batnað!!

Þorraþræll

Á morgun ætla Hólmarar að blóta Þorra ! ! Hið árlega þorrablót okkar verður haldið á morgun og er vel til þess vandað að venju. Ómæld vinna hefur verið lögð í heimatilbúin skemmtiatriði þar sem gert er góðlátlegt grín að mönnum og málefnum og passað vel að meiða engan. Ég hef ekki orðið þeirrar gæfu aðnjótandi að komast á þessa margfrægu skemmtun og þar sem maðurinn er á bakvakt þá nenni ég ekki ein. Enda er vinnuhelgi hjá mér. Ég ætla að passa Friðrik Örn og Birtu (ég bauðst til þess) og við ætlum að panta okkur pizzu og gera eitthvað skemmtilegt. Ég er að hugsa um að kaupa fullt af nammi, enda nammidagur hjá flestum börnum á laugardögum og auðvitað nýt ég góðs af því.  Þar er tilvalið að verðlauna sig fyrir dugnaðinn í ræktinni og borða nammi og eyðileggja þar með árangurinn sem hafði náðst með öllu puðinu. Góða helgi.

Áfram Danir

Jæja þá er þáttöku okkar á Evrópumótinu í handbolta og virtist sem íslensku leikmenninirnir hefðu bara ekki nægilegt úthald til að klára þetta. En eins spaugstofan söng um “það gengur bara betur næst. Nú set ég allt traust mitt á Dani og vona að þeir nái sem lengst. Áfram Danmörk.

Það eru nú meiri lætin í þessum múslimin út af nauðaómerkilegum myndum af Muhamed spámanni. Þetta lið er kolruglað og ef að á að ráðast á Dani eða aðra fyrir þessar sakir þá geta þeir sýnt samstöðu í að brenna fána og kasta grjóti. Ég er ekki mjög hrifin af þeirri hugmynd að Múslimar á Íslandi fái að reisa sér mosku, ég held að við gætum lent í vandræðum seinna meir ef við flytjum inn og mikið af flóttafólki með þessi trúarbrögð. Mín skoðun er sú að við eigum að stemma stigu við flóttamannainnflutningi almennt, svo við lendum ekki í sömu vandræðum og norðurlandaþjóðirnar hafa lent í. Svo er nú alveg greinilegt að þetta fólk er algjörlega húmorslaust og kann ekki að taka gríni

Lífið er handbolti

Ekki gekk það hjá landanum að vinna Króata. Tap með einu marki hefði nú einhvern tíman þótt góður árangur þar sem Króatar eru fyrrverandi heims- og ólynpíumeistarar en að mínu viti áttum við að vinna þennan leik. Það var sárt að sjá þá hreinlega kasta sigrinum frá sér í restina og voru þó tveimur mönnum fleiri. Þegar að vel gengur eru væntingarnar miklar og kannski er það ósanngjarnt en svona er þetta bara. Ég er samt stolt af landsliðinu okkar og vona að þeir bíti bara í skjaldarrendur og vinni Norðmenn stórt á morgun.
Ennþá fækkar í röðum leikmanna, í dag meiddist einn leikmaðurinn enn. Þá eru þeir orðnir fjórir sem hafa meiðst illa og ef þetta heldur áfram þá endar það með því að við leikum með nokkurskonar varalið. En nú er bara að senda góðar óskir og jákvæða strauma til liðsins og vera klár við sjónvarpstækin kl.17:00 á morgun. Ég verð því miður að láta mér nægja að hlusta á lýsingu á rás tvö því ég á kvöldvaktina..........

Í sigurvímu

Þá vitum við að “strákarnir okkar “ eru bestir!!  En án gríns þá unnu Íslendingar Rússa nokkuð sanfærandi í geysiskemmtilegurm leik í dag og ég var virkilega stolt af þeim. Það þarf sterkar taugar og mikinn karakter til að standa undir svona pressu og hvernig sem framhaldið verður þá hafa þeir sýnt það og sannað að þeir eru með sterkustu þjóðum í handbolta í Evrópu.

Annars gengur lífið hér sinn vanagang, vinna, fara í ræktina, borða og sofa. Ég get alveg hrósað sjálfri mér af dugnaði í ræktinni og sundi en öll þessi hreifing hefur ekki orðið til þess að ég hafi lést mikið eins og til stóð því matarlistin hefur aukist að miklum mun og ég hreinlega borða eins og hestur þessa dagana. Góðu fréttirnar eru samt þær að ég hef ekki þyngst og öll hreifing er góð af hvaða toga sem hún er. Á morgun á ég frí og ætla að nota það til að taka til í kringum mig og strauja skyrtur, nokkuð sem mér leiðist virkilega en nauðsyn brýtur lög. Síðan fer ég í ræktina og í sund. Hafið þið ekki séð þetta áður á prenti á þessari síðu?

Svo langar mig til að þakka öllum sem hafa gefið mér komment á Sandskrifin kærlega fyrir góð og hlý orð sem hafa sannarlega orðið til þess að ég hef haldið áfram að skrifa þótt ég hafi nú ekki alltaf mikið að segja og oftast sömu hlutina en umorða þá bara. Kærar þakki öll sömul mér þykir virkilega vænt um að þið skuluð gefa ykkur tíma til að kíkja á síðuna mína.

Svo er bara að setja sig í “handboltastellingarnar” á morgun kl. 17:00 og styðja vel við bakið á landsliðinu okkar þegar þeir spila við Króata.  ÁAAAAffrraammmmmm ÍÍÍssslllaaannndddddd.

Mömmustelpan í heimsókn

Dóra Lind með mömmu sinni

Þá er fríhelgin mín að taka enda og hversdagsleikinn tekur við, með venjubundnum verkefnum eins og vinnu og ræktinni. Dóra Lind kom og var hjá mér um helgina og tók vinkonu sína með sér. Við höfðum það ótrúlega gott, fórum ekki á fætur fyrr en eftir hádegi og þá bara til að fara í sund og liggja í heita pottinum. fórum svo á kaffihús á eftir og spjölluðum góða stund þar. Síðan elduðum við okkur góðan mat og horfðum á söngvakeppnina í ríkissjónvarpinu. Kynnar keppninnar voru jafn ömulegir á síðast en lögin voru betri í þetta skipti. Spaugstofan fór á kostum á meðan beðið var eftir úrslitum atkvæðagreiðslunnar. Úrslitin komu ekki á óvart og var ég nokkuð sátt. Í dag fór ég í ræktina klukkan 10 í morgun, Dóra og Ingibjörg fóru um hálf þrjú og þá skellti ég mér í sund. Horfði síðan á lélegt íslenskt landslið sem í vantaði alla baráttu tapa fyrir Ungverjum. Sangjörn úrslit en ég vona sannarlega að liðið sýni það sem býr í því í milliriðlinum. Áfram Ísland.

Leikgleði

Þá er fyrsti leikur Íslendinga í Evrópukeppni landsliða í handbolta að baki og “strákarnir okkar” unnu Serba með fimm marka mun. Afar ánægjulegt og vonandi gengur þeim svona vel með frændur vora Dani sem þeir eiga að spila við á morgun. Það er svo skrýtið með okkur Íslendinga að við ætlumst beinlínis til að landsliðið okkar vinni alla andstæðinga okkar þótt við séum að keppa við þjóðir sem eru margfalt stærri en við. Svo verðum við bara fúl ef okkur gengur ekki allt í haginn. Við eigum að vera stolt af íþróttamönnum okkar hvort sem þeir vinna eða ekki og muna að þeir eru ásamt tónlistarmönnum okkar ein besta landkynning sem við eigum. Svo læt ég fylgja með í leiðinni þær fréttir að Snæfell var að spila við Keflavík í “Ljónagrifjunni” og töpuðu með tveim stigum 84-86. Hmm áfram Snæfell og áfram Ísland.......

Bráðum kemur þorrablót

Nú styttist óðum í okkar árlega Þorrablót og þangað fara svona flestir sem vetlingi geta valdið. Ég held að 10 -12 manns séu í skemmtinefnd og hafa æfingar staðið yfir síðan í haust. Hólmarar hafa þann háttinn á að þeir tilkynna hverjir verði í næstu þorrablótsnefnd á meðan skemmtidagskráin stendur sem hæst. Það er mikið lagt í skreytingar og skemmtiatriðin. Tínt er til það sem til hefur fallið að skondnum uppákomum í samfélagi okkar og alltaf gætt að því að meiða engan. Því miður hittist svo á núna að ég á helgarvaktina þorrablótshelgina og Friðrik er á bakvakt. Ég ákvað að bjóðast til að passa fyrir Erlu og Sigga svo þau geti farið. En dagsetningin er 4. febrúar sem er líka afmælisdagur frumburðarins í Danmörku.

Dóra Lind ætlar að koma i heimsókn á næstu helgi og hafa vinkonu sína með sér. Þar sem ég á fríhelgi verður pottþétt gert eitthvað skemmtilegt, ef veður leyfir. Annars ku vera ágætisveður á Narfeyrarstofu og ætli við leggjum ekki bara leið okkar þangað..

Ég væri svo alvel til í að skreppa í viku eitthvað í hlýjuna, t.d. Florida eða Cyprus, eða Gran Canary. Er á kafi að leita að ferð sem gæti hentað því ég yrði að vera komin heim viku fyrir páskahelgina. Góðar ábendingar vel þegnar

Helgarmolar

Loksins kom að því að RUV ákvað að taka upp forkeppni um lag til að senda í Eurovision í vor. Ég settist spennt við sjónvarpið á laugardagskvöldið því mér finnst alltaf gaman af keppnum af öllu tagi. Lögin voru misjöfn en ég var sátt við þrjú af fjórum sem komumst áfram. Lagið hans Ómars Ragnarssonar fannst mér ekki eiga heima þarna heldur á kaffihúsi í París. En Ekki veit ég hvað ráðamenn skemmtidagsskrár RUV voru að hugsa þegar þeir völdu kynna kvöldsins. Þau voru í einu orði sagt ömurleg. Garðar gat varla talað og Ragnheiður væri fín í hlutverki Grýlu gömlu og trommarinn leit út eins og hann væri þroskaheftur. Ég vona að þetta hafi verið sviðskrekkur hjá þeim öllum og ætla að sjálfsögðu að horfa næsta laugardag.

Það var mikið um að vera í íþróttamiðstöðinni alla helgina, unglingaflokkur keppti á laugardaginn við keflavík og tapaði naumlega í spennandi og skemmtilegum leik. Við erum svo heppin að eiga marga afburðagóða leikmenn í unglingaflokki og vonandi þurfum við ekki mikið lengur að fá erlenda leikmenn til að vera samkeppnishæf í úrvalsdeildinni. Mér finnst þetta ekki góð þróun þegar geta liða í úrvalsdeild fer eftir hve rík liðin eru. Réttara er að hlúa betur að ungliðastarfi og ég sé ekkert því til fyrirstöðu að greiða íslenskum körfuboltamönnum eitthvað fyrir tímann sem fer í æfingar og ferðalög. þetta er allt kostnaður sem þeir þurfa að leggja út fyrir að minnsta kosti hér en þeir erlendu leikmenn sem leika með Snæfelli eru á launum. Í gær var leikur í bikarkeppninni og drógumst viðö á móti Njarðvíkingum. Leikurinn byrjaði ekki vel, en þegar var komið fram í þriðja leikhluta jafnaðist hann og mátti varla á milli sjá hvort liðið væri betra. En að lokum fór það svo að Njarðvíkingar höfðu nauman sigur 98-94.

Þetta var löng helgi hjá mér, var að vinna í gær frá 10 – 22 og mætti svo klukkan 7 í morgun. Annað hvort er ég svona þreytt eftir vinnuvikuna og ræktina eða lasin, er alveg að drepast í maganum. Ég á reyndar frídag á morgun en var búin að lofa að vinna fyrir einn vinnufélagan sem er staddur á Kanarí.Verð að stand við það. Ætla að drífa mig í rúmið og reyna að sofa úr mér ónotin.

Og svo sást sólin

Hvað haldið þið? Í dag þegar ég var að fara í vinnuna voru teikn á lofti. Einhver ægifagur kringlóttur skærgulur hlutur hátt á lofti og allt var svo bjart og fallegt í logninu. Jú ég sagði “í logninu”, því það var logn og blíða og þetta “gula fyrirbæri” var röðullinn sem við höfum ekki séð svo lengi að það lá við að ég þekkti hann ekki. Það lyftist aldeilis brúnin á fólki og allir töluðu um hve gott veðrið væri og hve gaman væri að sjá sólina. Ég hef oft velt því fyrir mér að ef veðrið væri ekki svona umhleypingarsamt hjá okkur, hvað hefðum við þá til að tala um við Pétur og Pál svona almennt, því allir geta jú talað um veðrið.

Í íþróttahúsinu var mikið um að vera í kvöld því ÍR-ingar komu í heimsókn til að spila körfubolta við Snæfell. Snæfell hafði tveggja stiga forskot á ÍR-inga fyrir leikinn, sem var æsispennandi frá upphafi til enda. Þegar upp var staðið þá vann liðið sem vildi “meira” vinna og því miður fyrir okkur heimamenn þá voru það ÍR-ingar sem unnu með eins stigs mun 73-72. Svona er körfuboltinn og “strákarnir okkar” gera bara betur næst!! Næsti leikur er gegn Njarðvík í deildarbikarnum á sunnudagskvöld, og áfram Snæfell !

Á morgunn byrjar Þorri og allar konur sem eiga eiginmenn, unnusta, nú eða vini munu vilja gleðja þá með einhverju móti. Ég er svo heppinn að bóndinn minn kemur heim á morgun eftir sex daga útlegð í Reykjavík og mun ég að sjálfsögðu reyna að gleðja hann á einhvern óvæntan máta. Hann frábiður sér blóm, er ekki hrifinn af afskornum blómun en hefur alveg einstakt lag á að láta kaktusa vaxa og dafna. Kannski gef ég honum kaktus í safnið, hver veit, en ykkur “bændum” þessa lands, óska ég til hamingju með morgundaginn!!

Meiri snjór

Ég má til að halda áfram að tala um snjóinn og ófærðina hér í Hólminum. Nú er svo komið að í dag snjóaði svo mikið að aumingja bæjarstarfsmennirnir höfðu ekki undan að ryðja snjóinn af götunum svo hér væri nokkurn veginn fólksbílafært. Það fennir jafnóðum allt á kaf og þið getið kannski ímyndað ykkur tilburði mína við að komast heim til mín, upp þessa skelfilegu brekku sem liggur að húsinu. Ég reyni orðið að aka Skúlagötuna í austur og Aðalgötuna til baka í vestur og fara síðan upp brekkuna á ferðinni. Það hefur gengið hingað til nema þegar einkver kemur akandi Aðalgötuna í austur þá verð ég að hægja á mér (á ekki réttinn) og byrja svo upp á nýtt. Ég er nú farin að hafa lúmskt gaman af öllu þessu tilstandi og svo er ég líka orðin skotfljót með skófluna. Það voru mikil hraustmenni (bæði konur og karlar) sem létu sig hafa það að skella sér í sund eins og venjulega þennan morguninn því laugin var aðeins 24 gráður. Vindkælingin er svo mikil að hún nær ekki að hitna meira og fólk var almennt fljótara með vegalengdirnar sínar og dvaldi lengur í pottunum.
Ég má til með að monta mig pínulítið, ég hef verið svo dugleg í ræktinni (og í mokstrinum) að fötin mín eru heldur rýmri en vanalega, jibbíiiiiiiiiiiiiiiiiii

Öllu má nú ofgera

Ósköp getur maður orðið þreyttur þó lítið sé að gera í vinnunni. Vinnuveitandinn ´búinn að vinna yfir sig og var bara hálfframlágur. Korfuboltastrákarnir mínir voru svo skemmtilegir að vera snemma búnir á æfingu og ég komst áleiðis heim fyrr en ég bjóst við. Þarf að moka blessaða bíldrusluna upp einu sinni enn. Hlýt að fara að komast í æfingu við þessi átök. Nú vantar mig bara kaðalspotta til að hafa í bílnum, ef svo illa færi að ég þyrfti að láta draga sig upp en hugsið ykkur, það fékkst ekki kaðall í Hólminum !! En sú þjónusta, mér var bent á Ellingsen en átti ég bara að skreppa til Reykjavíkur með rútunni eftir kaðalspotta?, ónei, ég held ég haldi áfram að moka og legst síðan á bæn og bið um grenjandi rigningu svo allur þessi leiðindar snjór fari.

Í kóngsríki snævar

Vetur konungur hefur heldur betur minnt á sig undanfarna daga. Hér er allt á kafi í snjó og held ég að flestum finnist nóg um nema kannski börnunum sem bylta sér alsæl í snjónum og koma svo eins og snjókarlar og snjókerlingar inn í íþróttahús til að halda áfram að ólmast í sundi eða öðrum íþróttum. Ég sem ek um á mínum fjalla-Polo, sá mitt óvænna og keypti mér sérstaka “bílskóflu” því ég var endalaust að festa mig út um allan bæ og ekki dugir að stóla á að næsti bíll geti alltaf bjargað manni úr ógöngunum. Ég er sem sagt búin að moka mig fjórum sinnum lausa síðan í morgun. Þetta er ágætis viðbót við ræktina og sundið og alveg ókeypis líkamsrækt en dálítið kalsamt í hörkufrosti og snjóbyl. Verð trúlega að moka bílinn lausan einu sinni enn því ég á að mæta í vinnu eftir tæpan klukkutíma.

Helgin var annars mjög skemmtileg, bauð manninum út að borða í félagsskap Lionsmanna og kvenna og var maturinn mjög góður og skemmtidagskrá undir borðum. Sem sagt mjög vel heppnað kvöld. Eitthvað sló þetta samt eftir sig, ég var eiginlega hálf heilsulaus fram eftir gærdeginum en eigum við nú ekki samt að segja að þett hafi verið þess virði.........

Samstaða í verki

Mörgum finnst föstudagurinn 13 vera einhver óhappadagur, en þar er ég á öndverðum meiði. Dagurinn í dag, föstudagurinn 13. janúar 2006 er að mínu mati einn mesti happadagur í fjölmiðlasögu Íslands. Hans verður minnst fyrir að vera dagurinn sem ritstjórn DV sagði af sér vegna þrýstings frá hinum almenna lesanda. Við, hinir almennu borgarar erum nefnilega mjög sterkt afl þegar við tökum okkur saman og sýnum samstöðu okkar í verki. (Reyndar held ég að uppsögn þeirra hafi líka skapast af þýstingi frá eigendum blaðsins.( Baugsveldinu) Ég vil nota tækifærið og óska nýjum ritstjórum velfarnaðar í störfum sínum og hlakka til að sjá hvaða stefnu þeir taka varðandi fréttabirtingu og aðra umfjöllun í DV. Skaðinn er samt skeður og er ég hrædd um að margir lesendur DV séu í dag “fyrrverandi” áskriftaraðilar og komi til með að kaupa ekki blaðið, fyrr en komin er reynsla á hvert stefnir í fréttaumfjöllun hjá nýráðnum ritstjóra. Eins held ég að auglýsendur sem hættu að auglýsa í blaðinu muni ekki hlaupa til og kaupa auglýsingarrými heldur sjá hverju fram vindur.

Núna er ég svona um það bil hálfnuð í tiltektarframkvæmdunum mínum (tók smá pásu ;-) ) og sé fram á að þetta verkefni kemur til að endast mér líka á morgun milli þess sem ég horfi á hina fræknustu skíðakappa svífa niður brekkurnar í heimsbikarnum eða mikla skíðagöngukappa þramma sem þeir eigi lífið að leysa og reyna svo að skjóta í mark þess á milli með lafandi tunguna af mæði. Þetta er alveg ótrúlega skemmtilegt á að horfa og svo er enski boltinn, þannig að þrifin hjá mér ganga frekar hægt. En mér liggur svo sem ekkert á, ég er í helgarfríi og á ekki að mæta í vinni fyrr en k. 15:00 á mánudag, og ekki truflar maðurinn mig, því hann er að fara í bæinn á einhverja “læknadaga” og kemur ekki heim aftur fyrr en næsta fimmtudag..................... Best að hringja í vinkonurnar í Grundarfirði og athuga hvort þær komi ekki bara með mér út að borða á morgun !!

Helgarfrí

Eins og við var að búast ullu skrif DV slíku fjaðrafoki að umræðurnar um siðleysi skrifanna náðu inn á þingpalla og flestir í samfélagi okkar fordæma gjörðir ritstjóra og blaðamanna DV. Þessi blaðamennska tíðkast kannski erlendis í milljóna samfélögum en á litla Íslandi gengur þetta ekki að mínu áliti. Þetta er gert til að selja blaðið frekar og ég legg til að við íslendingar sem ekki viljum líða svona sorpblaðamennsku tökum okkur nú saman og hættum að kaupa þennan fréttamiðil. Einmitt vegna þess hve fá við erum gætum við einmitt sýnt samstöðu okkar í verki á þennan hátt. Því miður erum við svo fljót að gleyma að eftir mánuð eða svo er þessi vesalings maður flestum gleymdur og þá mun DV bara snúa sér að því að sverta næsta mann.

En nóg um þetta. Nú er ég komin í helgarfrí og ætla að nota það vel. Ég nenni ekki til Reykjavíkur með manninum um helgina en ætla að þrífa og taka til hendinni heima. Annars byrjaði dagurinn hjá mér á því að ég festi bílinn minn á Aðalgötunni kl 6:30 í morgun og var í þrjú korter að moka hann upp og kom of seint í vinnuna, nokkuð sem ég þoli ekki hvorki að sjálfri mér eða öðrum. Það er hreinlega allt á kafi hér í snjó og börnin eru alsæl með það......

Skrauta frá Skarði

Ég komst að því í gær að ég á allt of mikið af jólaskrauti!! Ég byrjaði að taka glingrið miður og setja í kassa og ég er búin að fylla fjóra stóra kassa bara með því sem var í gluggum og á hillum og borðum hjá mér og þá á ég jólatrésskrautið eftir. Það er svo skrýtið að fyrir hver einustu jól sér maður svo eitthvað sem maður verður endilega að eignast, algjört must, og svo þegar kemur að því að finna því stað þá vandast nú málið. Ég er nú kannski dálítið skrautglöð en það hefur nú enginn kvartað enn.

Ég má til að monta mig aðeins, fór á vigtina og eitt kíló farið. Er afar ánægð með það og það stappar í mig stálinu að gefast ekki upp í ræktinni. Ég var nefnilega að hugsa um hvort þetta væri ekki of geist af stað farið og svo gengi ekkert. Eitt prik fyrir mig!!!

Nú hefur það gerst að vegna sorpfréttablaðamennsku DV hefur ólánsamur maður tekið líf sitt því hann gat ekki horfst í augu við ásakanir blaðamanna þessa sorprits sem DV er. Skyldu þeir Mikael Torfason og Eiríkur hafa sofið í nótt, eða eru þessir menn alveg gjörsamlega samviskulausir? Það verður vonandi hægt með einhverjum ráðum að koma í veg fyrir svona óábyrga blaðamennsku, því ég hélt að réttarkerfi okkar gerði ráð fyrir að fólk teldist saklaust uns sekt þess væri sönnuð.

Fuglaflensa og fleira

Eitthvað hef ég verið löt við að blogga undanfarið en bæði hefur verið mikið að gera hjá mér í vinnunni og svo hef ég látið veðurfarið fara í taugarnar á mér og ekki er nú hægt að skrifa þegar maður er alveg andlaus og veit ekkert hvað maður á að setja á blað. En hvað um það ég ætla að leyfa mér að hella úr skálum reiði minnar yfir því að nú er búið að hræða mig svo mikið með fuglaflensu að ég þori als ekki að ferðast til landa þar sem þessi ófögnuður hefur stungið sér niður. Ég sem horfði til Tyrklands og var að hugsa um að fara þangað um páskana. Svo kemur landlæknir, heilagur í framan, og fullyrðir að fólk þurfi ekki að hafa áhyggjur þótt það ferðist til þessara staða, passa bara að komast ekki í snertingu við fugla eða borða ekki hálfsoðið fuglakjöt. Það sem ég er samt reiðust yfir er, að það hlýtur að koma að því ( strax í vor) að sýktir farfuglar koma til landsins og þá þori ég hvorki að borða, endur, gæsir,rjúpu, eða sjólugl. Niðurstaða mín er sú að lanbakjötið er besta fæða sem við eigum völ á fyrir utan okkar frábæra fisk. Ljósi punkturinn í þessu máli er að landinn fer trúlega í auknum mæli að forða fisk, nokkuð sem fólk hefur ekki gert svo mikið af. Og svo verð ég að minnast á Jónínu Ben. Sú kona er komin langleiðina með að eyðileggja málstað sinn með því að láta hafa sig í að koma svona oft fram í fjölmiðlum. Ég tek undir það sem Svana Björk frænka mín sagði. Konan er athyglissjúk. Hún á samt samúð mína, því mér virðist sem farið hafi verið virkilega illa með hana og ég vona að hún vinni mál sitt fyrir Hæstarétti. Svo er hægt að draga heilmikinn lærdóm af þessu brölsti hennar og hann er " Við gefumst ekki upp þótt móti blási" (að minnsta kosti, stöndum á meðan stætt er)

Svo má ég til með að segja frá því að ég eignaðist óvæntan aðdáenda um daginn. Á afmælisdaginn minn fékk ég svo fallega kveðju frá “óvæntum aðdáenda” og ætla ég að nota tækifæri og þakka þessum hugulsama fastagesti íþróttamiðstöðvarinnar kærlega fyrir mig

Stormur

Þá hafa jólin hvatt okkur í þetta sinn og sólin farin að hækka örlítið á lofti. Ég er búin að eiga afmæli og er trú áramótaheiti mínu og púla í ræktinni 5 til 6 sinnum í viku. Fór á viktina í fyrradag og hafði ekki lést um kíló, stóð bara í stað. Það verður gaman að fara á viktina næst. Það var svo brjálað veður hér í gæt að ég man ekki eftir öðru eins síðan ég var barn. Það skall á sannkallað gjörningaveður með þrumum og endingum og himininn hreinlega logaði og það hristist allt og skalf í þrumugnýnum. þetta var eftir hádegi og stóð í ca. 1 klukkustund en þá hætti ljósagangurinn. Ég fór að vinna kl 3 og ykkur að segja hefðum við alveg getað haft lokað því í einni eldingunni hafði hitanum slegið út bæði af pottunum og sundlauginni og allt ískalt. Meistaraflokkur var að æfa í salnum og aðrir hættu sér ekki út í veðurofsan. Í dag er veðrið lygnt og gott í augnarblikinu og ca3 stiga frost. Ekki veit ég hvað það endist lengi en það er búið að vera hryllilega leiðinlegt veður hér í allan vetur og best að kúra undir sæng með bók ef maður getur það. En mér er ekki til setunnar boðið , ég á vinnuhelgi og ætla fyrst að sprikkla svolítið.

Blóð, sviti og tár

Þegar ég fór síðast á vigtina, leist mér ekki á blikuna. Tölurnar voru eins og íslenska krónan, of háar. Nú voru góð ráð dýr, hvað var hægt að gera með góðu móti til að lækka þessar óhagstæðu tölu sem argaði á mig þegar ég sté á vigtina, og með sem minnstri fyrirhöfn? Ég ákvað að fara til hennar Berglindar í Átaki (æfingarstöð) og láta hana reka mig áfram og athuga hvort það hefði eitthvað að segja. Byrjaði hjá henni á mánudaginn en hafði farið sjálf í eina viku áður. Í fyrramálið kemur svo í ljós hvort eitthvað hafi breyst, ég bið ykkur að halda í putta fyrir mig. Ég fór til Reykjavíkur í gær í jarðarför og þurfti svo að fara með símann minn í símabúðina í Kringlunni. Mikið bið var þar svo að ég ákvað að kíkja á eina útsölu. ('I Wistles) Ég gerði prýðisgóð kaup á 10 mínótum, keypti mér gallabuxur, tvennar peysur, mussu og pils á helmings afslætti. Kostaði reyndar um 30.000,- en er átt við það. Þegar ég kom til baka í símabúðina þurfti ég samt að bíða í 20 mín. og var svo send í Ármúlan, Þeir í Ármúlanum ætluðu að senda mig eitthvað enn annað svo ég sagði þeim að það væri nú gott þá færi ég beint til OVodapone. Og það dugði á blessaða afgreiðslustúlkuna ekki vildi hún missa viðskiptamann. Það verður spennandi að hoppa á vigtina á morgun, ef ég læt ekkert heyra frá mér hafa tölurnar ekki verið hagkvæmar. Bless í bili

TILL UMHUGSUNAR FYRIR NYJA ÁRIÐ

SKRIFAÐ Í SANDINN OG STEININN
Sagan segir að tveir vinir hafi gengið í eyðimörk.  Á leiðinni fóru þeir að rífast, og annar vinurinn gaf hinum létt á kjammann.  Honum sárnaði, en án þess að segja nokkuð skrifaði hann í sandinn; " Í DAG GAF BESTI VINUR MINN MÉR, EINN Á ´ANN!" Þeir gengu áfram þangað til þeir komu að vatnslind og þar fóru þeir út í. Vinurinn sem hafði orðið fyrir hinum áður var nærri druknaður, en var bjargað af vini sínum.  Þegar hann hafði jafnað sig , risti hann í stein; "Í DAG BJARGAÐI BESTI VINUR MINN MÉR FRÁ DRUKNUN".  Vinurinn sem bæði hafði veitt honum tiltal og bjargað honum spurði: "Þegar ég sló þig, skrifaðir þú í sandinn, og núna skrifar þú í steininn.  "Af hverju?" Hann svaraði: Þegar einhver gerir þér eitthvað illt áttu að skrifa það í sandinn, þar sem vindur fyrirgefningar getur eytt því.  En þegar einhver gerir þér eitthvað gott þá áttu að grafa það í stein þar sem enginn getur eytt því.  "LÆRÐU AÐ SKRIFA SÁRINDI ÞÍN Í SANDINN OG GRAFA HAMINGJU ÞÍNA Í STEIN"!  Það er sagt að það taki mann eina mínútu að hitta sérstaka manneskju, einn tíma að kunna að meta hana, einn dag að elska hana, en HEILA ævi að gleyma henni. 
 
Sendu þessa sögu til manneskja sem þú gleymir aldrei, og mundu að senda hana tilbaka.  Ef þú yfir höfuð sendir hana ekki til neins, þá þýðir það bara eitt, að þú hafir of mikið að gera og hafir gleymt vinum þínum.Bloggkveðja

Annáll ársins 2005

Nú eftir um það tæplega 15 tíma hefur árið 2005 runnið sitt skeið og nýtt ár tekur við. Árið 2006. Við tímamót sem þessi er við hæfi að líta aðeins til baka og rifja upp liðið ár, þannig að Sandskrifin mín verða nokkurskonar annáll á léttu nótunum. Það er af svo morgu að taka að ég veit ekki hvar ég á að byrja og stikla því bara á stóru. Þetta ár hefur fært mér bæði mikla gleði og einnig mikla sorg. Yngsta dóttirin útskrifaðist sem stúdent með láði og eins systursonur minn hann Hermann Elí. Voru mikil veisluhöld því samfara sem stóðu í tvo daga. (tvær veislur hvor sinn daginn). Það var virkilega mikil ánægja að gleðjast með fjölskyldu og vinum og það eina sem skyggði á var að hún mamma mín var svo mikið veik að hún komst ekki. Einnig var elsti sonurinn og fjölskylda hans ekki með okkur þar sem hann sat á skólabekk í Danmörku. Í byrjun ágúst versnaði mömmu minni mikið og var ljóst í hvað stefndi. Hún lést svo þann 29. ágúst eftir erfitt dauðastríð. Það breytist margt þegar fólk missir foreldra sína, sem hafa verið kjölfesta þess frá blautu barnsbeini og finn ég til nikils saknaðar og trega. Við Friðrik fórum til San Francisco seinnipartinn i september og það var virkilega skemmtileg ferð. Hann var reyndar á námskeiðum líka en ég lét mér ekki leiðast á meðan heldur skoðaði mig um á eigin spýtur. Þetta er borg full af andstæðum og ég gæti vel hugsað mér að fara þangað aftur. Ég fékk nýtt barnabarn í endaðan september og dreif mig til danmerkur til að skoða það. Þetta er allrafallegasti strákur, stór og heilbrigður. Það sem er sennilegast minnisstæðast úr þjóðmálunum er útrás íslenskra fyrirtækja sem virðast ekki vita aura sinna tal og eru að kaupa upp fyrirtæki bæði í Bretlandi og Danmörku. Svo hætti Davíð afskipti af stjórnmálum og stýrir nú Seðlabankanum og kannski hafa stýrivextir hækkað meira bara við að hann kom þangað í vinnu. Svo finnst mér hræðilegt að í allri þessari velmegun eru sumir hópar í þjóðfélaginu svo illa staddir að þeir eiga hvergi heima og ungir eiturlyfjaneytindur finnast látnir af ofneyslu og gamalt fólk er svo eitt að það liggur dáið í á þriðju viku áður en einhver athugar með það. Væri nú ekki ráð fyrir stjórnvöld að láta launahækkunina sem þau fengu renna til þessara hópa og vinna í þessum málaflokkum af einhverri afvöru. Svo vil ég nota tækifærið og óska samstarfsfólki mínu og gestum Íþróttamiðstöðvarinnar gæfu og gengis á nýja árinu og hlakka til að hitta ykkur eftir áramótin. Bloggurum og öðrum velunnurum þakka ég skrifin og commentin á árinu.

Bættur lífstíll

Þá eru jólin búin með öllu matarsukkinu sem fylgir þeim. Hafið þið mokkurntíman fengið þá tilfinningu að þið séuð hreinlega að springa? Þannig leið mér á öðrum degi jóla. ´Mér fannst ég vera eins og uppblásin blaðra og vera komin að því að springa. Ég dreif mig í ræktina til að reyna að bæta líðaninna og kannski missa nokkur kíló. Ég varð virkilega undrandi þegar ég sá allan þann fjölda sem var mættur og var bersýnilega í sömu erindagjörðum og ég. Þetta voru reyndar flest árskorthafar, sem sagt þeil alhörðustu, en þessi góða mætin sýnir svo ekki verður um villst þörfina fyrir að hafa opna bæði líkamsræktarstöðvar og einnig sundstaði, því flestir spurðu mig afhverju sundlaugin væri ekki opin. Ég er sem sagt í dag búin að mæta þrjá daga í röð, og þótt ég þættist hafa byrjað rólega þá er ég gjörsamlega að farast úr harðsperrum. Vona bara að þessi u.þ.b. fjögur kíló sem ég hef bætt á mig síðan ég hætti að reykja verði jafn fljót að fara og þau voru að koma. Nú hef ég bráðum verið hætti í fimm mánuðu og vonandi hef ég náð valdi á þessari þyngdaraukningu. En nóg um mig í bili. Er að hugsa um að reyna eina ferðina enn að setja inn myndina af Drífu, Birtu og Friðrik Erni, í jólaheimsókn hjá Friðrik afa og Oddrúnu.

Rólegheit um jól

Aðfangadagur jóla var afskaplega notalegur, ég fór að vinna kl.10:00 og það fylltist fljótt af fólki sem kom í aftressun í pottana. Margir af mínum uppáhaldskúnnum létu sjá sig og fólk greinilega naut þess að vera saman og eiga notalega stund með fjölskyldu og vinum. Ég var komin heim rúmlega hálf eitt og þá tók við undirbúningur fyrir jólamatinn . Í þetta skipti ætluðum við að hafa hamborgarahrygg með heimalöguðu rauðkáli og sykurbrúnuðum kartöflum ásamt Waldorfssallati og þetta kallaði á heilmikinn undirbúning. Drífa kom heim þessi jólin og það var strax jólalegra að vera ekki bara tvö ein, þótt okkur hafi nú ekki leiðst mikið í fyrra. Á slaginu klukkan 18:00 eftir að jólin höfðu verið hringd inn settumst við til borðs og borðuðum í rólegheitum. Maturinn var mjög góður og við vorum ekkert að flýta okkur. tókum síðan uppjólagjafirnar í rólegheitum og Drífa las á pakkana. Seinna um kvöldið keyrðum við Drífu til Erlu og Sigga því þær systur ætluðu í miðnæturmessu hjá nunnunum. Best af öllu var svo að skríða með bók upp í rúm og lesa þangað til maður sofnaði út frá bókinni.

Jóladagurinn var alger letidagur, ég dúllaði mér á náttfötunum allan daginn við að horfa á sjónvarpið, lesa og lúra. Ég varð auðvitað að borða á milli þessa erfiðis eins og gefur að skilja. Erla, Siggi og börn, kíktu við hjá okkur á leiðinni heim út jólaboði og var setið og spjallað í rólegheitum. Þau buðu okkur í mat á annan í jólum ( í kvöld) og ég hlakka til að borða "önd a la Siggi", hann er listagóður kokkur.

Jæja þá erum við komin heim aftur eftir að hafa borðað önd hjá Sigga og Erlu nammi namm, ætla að gera eina tilraun enn að setja inn mynd, er að verða brjáluð á þessum server sem virkar ekki nema stundum !!!

Ekki gekk að setja inn myndina, reyni aftur seinna.

Þorláksmessa

Þorláksmessa heilsaði með yndislega fallegu veðri, alveg stillt og frekar bjart miðað við undanfarna daga. Opið var í Íþróttamiðstöðinni frá 7 til 19:00 í gær og eftir það fórum við í skötuveislu til Summa á Fimm fiskum. Skatan klikkaði ekki frekar en vant er, en ég vaknaði þrisvar í nótt til að fá mér að drekka, var eins og eyðimörk aðframkomin af þorsta. Við kíktum í búðir eftir skötuveisluna og enduðum í bókabúðinni þar sem hann Friðrik minn gaf mér "Þorláksmessugjöf", bók að eigin vali. Þetta var alveg yndislega fallega gert af honum og ég hef aldrei áður fengið Þorláksmessugjöf. Þetta bjargaði jólunum hjá mér, nú hef ég eitthvað að lesa á jólanóttinni. Langar svo að óska ykkur öllum gleðilegra jólahátíðar og gæfu og gengis á nýja árinu. Verð að rjúka ekki dugir að hafa af Hólmörum jólabaðið....Gleðileg jóllllllllllllllllllllllll.......

Afslöppun fyrir jólin

Ég er svo ánægð að sjá hve margir eru stresslausir fyrir jólin og koma til að slappa af hjá okkur í sundi og heitu pottunum. Meira að segja önnum kafnar húsmætur mæta og svo allir fastagestirnir okkar sem eru svo skemmtilegir (sérstaklega Símon) Ég er alltaf að segja henni samstarfskonu minni hvað hann sé skemmtilegur og myndarlegur maður. Ég vona að hún fari nú að koma auga á kosti hans og losi sig frá öðru sem er ekki mjög rómantískt og spennanad. En hvað um það, verð að vinna bæði á morgun og til kl. 1 á aðfangadag og þá eru jólin á næsta leiti með fryð og gleðiboðskap sinn.

Reykjavíkurmær

Þetta er hún Karen Harpa að baka fyrir jólin. Er hún ekki dugleg?

Og þarna er hún í jólakjólnum sínum. Þetta er algjör prinsessukjóll.
Ég má til að monta mig af barnabarninu. Hún er yndislega góð og falleg stelpa og því miður sé ég hana alltof sjaldan af því að mamma hennar og pabbi búa ekki saman. En Dísa (það er mamma hennar) er dugleg að senda mér myndir og heimsækja mig ef ég er í Reykjavík og hún sendi mér þessar myndir í gær.

Langrækni eða stórmennska

Á morgun er styttsti dagur ársins og þá fer allt smámsaman að síga upp á við, styttist í vorið!!


Hvernig er það með okkur Íslendinga? Erum við svona klár? Ég er nú farin að finna til með frændum vorum Dönum, þótt á dögum Hansakaupmanna þeir hafi sellt okkur maðkað mjöl!!!
'I dag eiga þeir sjálfir neitt bitastætt lengur. 'islendingar eru búnir að kaupa upp bestu verslanir þeirra, verslunarkeðjur, banka , flugfélög og nú skilst mér að röðin sé komin að dagblöðunum. Það er ekki skrýtið að þetta fari fyrir brjóstið á frændum okkar og vinum í Danmörku. Umfjöllun fólks þar er frekar neikvæð og ef dagblöðin verða líka keypt verður blaðamennskan ritskoðuð líkt og hún er í raun hér á landi að mínu mati. Sjáið bara Fréttablaðið og þá blaðamennsku sem tíðkast þar. En mikið er nú félagsmálaráðherra okkar heppinn að vera Íslendingur. Maður sem lætur dæma ríkið til sektargjalda fyrir handvömm sína yrði rekin með það sama ef han væri danskur, en á Íslandi ræður stórmennskan ríkjum, enginn er gerður ábyrgur gjörða sinna nema "litli maðurinn" sem sagt megin þorri þjóðarinnar, litli maðurinn og við hin yrðum rekinn með hraði án nokkurra málalenginga. Já þetta er mjög skrýtið samfélag sem við búun í og ekki teljumst við heldur nægilega músíkölsk, það eru bara fáir útvaldir sem eru það og þá skemmir ekki að eiga mikla peninga í KB- banka og helst eiga hann líka.............

Hvít eða rauð?

Nú þegar vika er til jóla er þvílíkt myrkur úti að varla sér handa skil. Ég held að það sé aðallega þessvegna sem fólk finnur hjá sér þörf til að skreyta hús sín bæði úti og inni með ljósum. Sumstaðar er kannski full mikið af því góða og annars staðar er skreytingunum nánast hent upp en allt þjónar þetta þeim tilgangi að lýsa upp umhverfið og reka burt svartasta skammdegið. Ég er svoddan "Skrauta frá Skarði" að mér finnst þetta yndislegt. Hugsið ykkur bara eftir fjóra daga byrjar daginn að lengja, fyrst mjög hægt og svo hraðar og hraðar og fyrr en varir er komið vor. Ég hlakka svo til vorsins, sjá allt vakna til lífsins, farfuglarnir koma og þrestirnir gera sig heimakomna í þakkantinum. Ég get varla beðið því mér finnst veturinn hafa verið dimmari en undanfarin ár. Kannski er það bara að það hefur varla sést snjór því það birtir óneitanlega yfir öllu þegar hvít mjöllin þekur jörðina. Veðurfræðingar spá rauðum jólun þetta árið og líkurnar eru sennilega meiri á því. Samt er ekki öll nótt úti enn og aldrei að vita að þegar við höfum sporðrennt skötunni hjá honum Summa á Þorláksmessukvöld að þá fari að snjóa og jólin verði þrátt fyrir allt alhvít.

Þessar myndir eru teknar kl. 12 á hádegi á sunnudaginn og sýna hve lítil birta er þessa dagana

Ekki veit ég hvað veldur en það virðist sem að drunganum sem hefur verið yfir mér sé aðeins að létta. Ég var að vinna yfir helgina og Vignir var með mér á vakt og það var með eindæmum rólegt hjá okkur alla helgina. Heimafólk hefur trúlega farið til Reykjavíkur og það var helst að fólk utan af Nesi kæmi um leið og það verslaði í Bónus sem er heitasta búðin á Snæfellsnesinu um þessar mundir. Ég bauð upp á jóladrykk og piparkökur og það gafst ágætlega allavegana varð enginn afgangur þótt gestirnir væru ekki margir. Ég er búin að ganga frá jólakortunum, langt komin að pakka inn jólagjöfunum, sjóða rauðkálið og svo ætla ég að drífa í að gera ísinn áður en ég fer í vinnuna í dag kl. 15:00. Friðrik Örn og Birta voru hjá okkur í gærkvöldi því Erla fór á fund, þau eru alveg afskaplega róleg og góð börn og lítið mál að hafa ofan fyrir þeim. Jæja ég veit svei mér ekki hvað ég á að tala meira um en á morgun er ég á morgunvakt og þá ætla ég að hafa "jóladrykk og piparkökur" fyrir morgunhanana mína. Bless í bili................

Minningabrot barns

Þá er helgin liðin og aftur kominn mánudagur. Hafið þið tekið eftir því hvað tíminn líður fljótt? Ég man eftir því þegar ég var lítil og beið full af tilhlökkun eftir jólunum að mér fannst tíminn svo hræðilega lengi að líða og jólin ætluðu aldrei að koma. Heima hjá mér var aldrei skreytt fyrr en á Þorláksmessu og við fengum að hjálpa til við það við systurnar en jólatréið skreytti hún mamma mín alltaf eftir að við vorum sofnaðar og svo var stofunni læst og hún ekki opnuð fyrr en klukkan sex á Aðfangadagskvöld. Þá stóð jólatréið ljósum prýtt og fallega skreyt með jólagjöfum raðað í kring. Ég man enn hátíðleikan sem umvafði bernskujólin og ég hef ekki fundið í slíkum mæli eftir að ég fullorðnaðist. Þessi jólin hjá mér verða öðruvísi vegna þess að nú er hún mamma mín ekki lengur á meðal okkar. En ég veit og trúi því að henni líði vel og sé umvafin löngu gengnum ástvinum. En ég syrgi hana sárt og hugsa mikið til hennar einmitt núna um jólin því hún var mikið jólabarn í sér og lagði sig fram um að gleðja aðra. Ég veit líka að jólin koma til okkar hvar sem við erum stödd, hvort sem við erum í þessari jarðvist eða annarri........

Hinn rétti andi jólanna

Í gegnum skottuskrifin hennar frænku minnar raks ég inn á heimasíðu ungs manns og ég varð yfir mig hrifin af því að það er ennþá til ungt fólks sem hugsar um þá sem eiga erfitt um jólin. Ég kvet ykkur sem skoðið bloggið mitt að fara inn á www.eoe.is til þess að skoða. Ég hef verið að hugsa um að hætta að kaupa jólakort og láta andvirði kortanna og burðargjaldsins renna til góðgerðarmála. En svo finnst mér sjálfri svo gaman að fólk man eftir mér að ég sendi alltaf sama fólkinu ár eftir ár. En auðvitað á maður ekki að vera svona íhaldssamur, og ég hugsa að ég sendi færri kort næst og styrki frekar bágstadda. Nú er ég að verða of sein í vinnuna og verð að rjúka. Meira í kvöld

Internetvandræði

Ég get orðið alveg brjáluð þegar internetið liggur niðri dag eftir dag og ekkert hægt að gera af því sem ég ætlaði, svo sem setja myndir inn á bloggið mitt og skrifa comment á önnur blogg. Ég held að Síminn verði nú að láta laga þetta annars leitar maður eitthvað annað. En hvað um það, ég held áfram að reyna................

Húrra þetta tókst.

Ég og Guðrún systir á barnum á Salt um síðustu helgi

Hvaða myndarlegu menn eru þetta? Flottir ekki satt!!

Nú er það svart maður

Ég held að ég sé með anga af skammdegisþunglyndi svei mér þá. Ég hef mig ekki til að gera neitt og mér vex allt í augum, finnst ég ekki hafa neinn tíma en veit þó að ég hef nægan. Og það er ekki dymmt úti það er hreinlega svart. Ég er nokkuð viss um að fleirum en mér líður svona því þegar við fórum "jólarúnt"´um plássið í fyrradag tók ég eftir því að það er meira skreytt í ár en undanfarin ár og það finnst mér frábært því þá birtir örlítið til í nánasta umhverfi. En batnandi manni er best að lifa og ég ætla að hella mér í að skrifa lista yfir það sem mér vantar í jólarauðkálið og ísinn og súkkulaðikökuna o.fl. Og nú á að taka á því. Eruð þið ekki sammála?

Aðventan í Reykjavík

Ég fór til Reykjavíkur um síðustu helgi, rétt til þess að fá jólastemminguna í höfuðborginni beint í æð. Einhvernvegin finnst mér það tilheyra og vera þáttur af hátíðleika jólanna að fara og labba um miðbæinn og skoða skreytingarnar sem eru alltaf að verða fallegri og fallegri. Austurvöllur skartaði sínu fegursta og mér fannst sem jólin væru bara handan við hornið. En svo þurfti ég að erinda í Kringlunni og þá var jólastemmingin fljót að hverfa. Ég fékk innilokunarkennd, það var svo mikið af fólki og svo var þvílíkt áreiti af alskyns uppákomum, söng, kynningum og fleiru að hávaðinn varð ærandi. Ég var því fengnust þegar ég komst þaðan út aftur. 'A laugardeginum tók við mikill Söru- bakstur hjá Kristínu, afraksturinn yfir 500 Sörur sem skipt var í þrennt, heilmikil stemming og skemmtilegheit.Um kvöldið fórum við á jólahlaðborð með systur minni og mági og það var virkilega vel heppnað. Hátíðarstemming jólana gerði vart við sig aftur enda bæði maturinn og félagsskapurinn frábær. Það er alveg óhætt að mæla með veitingarstaðnum Salt, sem er í hótelinu hans Andra Márs Ingólfssonar (gamla Eimskipafélagshúsið) og heitir Hóler 101 Reykjavík. Við nutum þess að sitja í rólegheitum og láta stjana við okkur á alla lund á meðan við borðuðum. Ungur maður sat á háum stól og spilaði á gítar og söng og hefði hann nú alveg mátt missa sig því ekki er hægt að segja að hann hafi sungið sérlega vel, hann meira eiginlega vældi eins og hann sæti illa á eistunum á sér og klemmdi þau í leiðinni. Óneitanlega öðruvísi. Staðurinn er virkilega töff og greinilega "inn" í augnarblikinu. Við sátum þar og spjölluðum til kl. 1 um nóttina og þá var farið heim til að sofa. Á sunnudaginn var farið í skylduheimsóknir til ættingjanna og síðan haldið vestur í fljúgandi hálku. Það verður að segjast eins og er að það var gott að komast heim í sveitina..

Adrenalín í íþróttahúsinu

Við hérna í Hólminum kunnum aldeilis að halda hina ýmsu tyllidaga hátíðlega !! Alþjóð veit að við tölum dönsku á sunnudögum og hinir víðfrægu dönsku dagar okkar seinni partinn í ágúst laða fólk úr öllum landshlutum að. Í dag 1 desember 2005 fögnuðum við fullveldisdeginum þannig að körfuboltastrákarnir okkar unnu Skallagrím með einu stigi. Ég man bara varla eftir jafn spennandi leik. Við vorum komin 18 stigum undir eftir fyrsta leikhluta en liðsmenn Snæfells áttu þvílíkan viðsnúning og voru einu stigi yfir í hálfleik. Síðan var leikurinn hreinlega í járnum en Jón Ólafsson(Nonni Maju) skoraði á síðustu sekúndunum þriggja stiga körfu og sigurinn var okkar. Ég hélt að þakið myndi rifna af húsinu í fagnaðarlátum heimamanna og sumir áhorfenda voru örugglega með hættulega háan blóðþrýsting. Svona á að gera þetta, með stæl. Í fyrramálið þarf ég að skreppa til Reykjavíkur til þess að fá ný sjóngler. Ég verð að sætta mig við að þurfa að taka mér frí frá vinnu því eftir því sem sjóntækjafræðingurinn sagði mér þá vinna þeir ekki nema á virkum dögum frá 10 til 17. " Og hvað á ég þá að gera"? spurði ég. "Ja þú verður bara að skilja gleraugun þín eftir hjá okkur". Það skipti sem sagt engu máli þótt ég segði honum að það gæti ég ekki, ég væri staurblind án gleraugnanna minna, honum var alveg sama, mér var nær að búa ekki í Reykjavík. Annars finnst mér ekki leiðinlegt að sjá hvað fallegt er á þessum tíma í Reykjavík svo ég ætti ekki að vera að kvarta þetta..

Sálarfátækt

Mér blöskraði svo þegar ég las í DV, sem ég annars aldrei sé nema á helgum í vinnunni, frásögn blaðamanns af árás tveggja ungra manna á útigangsmann. Þeir höfðu vesalingarnir ekkert annað þarfara eða skemmtilegra að gera en að elta uppi vesalings ólánsmann með vatnsfötu og hveitipoka til þess eins að skvetta yfir hann og niðurlægja og tóku svo "hetjudáðina" upp á myndband og settu á netið öðrum til "skemmtunar". Þegar þeir voru svo spurðir af hverju þeir hefðu gert þetta, sögðust þeir myndu gera þetta aftur því þetta hefði verið svo fyndið. Hvað er eiginlega að hjá ungum mönnum sem hafa ekkert annað að gera en að níðast á þeim sem ekki getur svarað fyrir sig? Eru þessir menn orðnir svona skemmdir af neyslu áfengis og vímuefna að þeir sjái ekki að með þessum gjörðum sínum niðurlægja þeir fyrst og fremst sjálfa sig? Og ætli þessir ungu menn hafi valið fórnarlamb sitt vegna þess að þeir séu á góðri leið með að enda eins og það, heimilislaus óreglumaður eða skyldi þetta vera í anda þeirra jóla sem þeir hafa upplifað? Ég er svo glöð að búa í Stykkishólmi þar sem svona lagað þekkist sem betur fer ekki og enginn á vergangi svo vitað sé.

Legið í leti

Er ekki bara í lagi að vera löt núna þegar svona dimmt og drungalegt úti? Ég nenni hreinlega ekki að byrja á að baka eða skreyta fyrir jólinn, vil bara kveikja á kertum með jólailmi og kúra í sófanum yfir einhverju innihaldslausu sjónvarpsefni. Veit ekki afhverju ég er svona löt, kem heim út vinnunni og geri svo ekki meira en að fara í bað og svo að sofa í hausinn á mér. Ekki skemmtilegur félagsskapur það. Dóra Lind mín kom í heimsókn í gær og ætlar að fara aftur á morgun. Ekki langt stopp hjá henni enda er hún á kafi í próflestri. Við ætlum þó að skreppa í sund á eftir og athuga hvort við hressumst ekki báðar. Við sáum reyndar Snæfell vinna Keflavík stórt í gærkvöldi, það var alveg frábært. ÁFRAM SNÆFELL

Og dagar dimmir detta á........

Þetta er hún Karen Harpa, lítil ömmustelpa í Reykjavík sem ég því miður þetti allt og lítið. Rúnar minn á þennan gullmola en hefur ekki samband við hana, fyrirgerði því þegar hann var í rugli og mamma Karenar hefur ekki viljað leyfa honum að hafa samband við hana eftir það. Að mínu áliti þá ætti hún að endurskoða það og leifa barninu að hitta föður sinn og vera með henni því hún getur aldrei breytt því að hann er faðir hennar hvernig svo sem hann er. En þessi fallega stelpa varð fjögra ára í gær......................


SKAMMDEGIÐ

Mikið er allt dimmt og drungalegt þessa dagana, það birtir varla allan daginn og myrkrið er skollið á aftur rúmlega fjögur á daginn. Bæjarstarfsmennirnir ( þeir í áhaldahúsinu) hafa verið duglegir við að setja upp ljósaskreytingar á ljósastaurana því á sunnudaginn er fyrsti sunnudagur í aðventu. Það er sem sagt bráðum að koma jól ef það skyldi hafa farið fram hjá einhverjum. Við þurfum bráðum að fara að huga að jólaskreytingum í sundlauginni þó svo að við bæjarstarfsmenn erum svo vel haldin af launum okkar að við þurfum ekki þessa 26.000,- kr. eingreiðslu sem láglaunastéttirnar eiga að fá nú í desember. Verst er að þessi miklu laun hafa ekki skilað sér í mitt launaumslag en kannski kemur jólasveinninn "eitthvað gott í skóinn" til okkar hálaunuðu bæjarstarfsmannanna................

Ferjan Baldur

Það er nú dálítið gaman að segja frá því að í gær fór ég sem kokkur á ferjunni Baldri. Ég hef ekki látið til leiðast til að gera það eftir að ég hætti þar haustið 2003 þótt ég hafi oft verið beðin, en í þetta skipti gat ég ekki fengið af mér að neita. Hella (það er kokkurinn) þurfti að fá frí og ég var í fríi frá sundlauginni í gær. Hú var að fara á árshátíð með vinnu mannsins síns, og átti að gista á hóteli, fara á Nínu og Geira, (söngbók Björgvins Halldórssonar) og borða góðan mat. En það er skemmst frá því að segja að ég komst í gegn um daginn með naumindum. Ég var búin að gleyma hve erfitt þetta getur verið og þar að auki var ég bara ein. En þetta var samt gaman, gaf skipshöfninni saltfisk (alltaf saltfiskur á laugardögum hjá sjómönnum) seldi afganginn til farþeganna eða steikti fyrir þá samlokur og hamborgara. Síðan lét ég mig hafa að baka gersnúða og voru þeir ánægðir með það. Veðrið var mjög gott, sunnan gola og báturinn hreifðist varla en það er samt alltaf eitthvað um að fólk verði sjóveikt. Ég hef sem betur fer aldrei verið sjóveik og ég held að það gangi illa ef fólk vinnur á sjó. Samgönguráðherra bauð til heljarmikillar veislu á hótelinu hér í Hólminum í gær og bauð öllum bæjarbúun. Ég nennti ekki að fara, Friðrik langaði ekki og eg var þreytt eftir sjómennskuna. Drífa er búin að vera hjá okkur um helgina, gaman að fá hana loksins heim efitt alla þessa útiveru. Hún er allta jafn sæt og góð. Dóra ætlaði að passa fyrir systur síns í gærkvöldi og ég vona að það hafi gengið vel...........

Barnabörnin í Horsens

Þetta er Elísa Kristín. Hún er níu ára síðan 23 nóvember. Algjör gella í Halloweenbúning.

Þetta er litla krúttið hann Victor Máni, yndislega vær og góður strákur, fæddur 28. september.

Og þetta er svo skottið og fjörkálfurinn hún Lovísa Rún, hún er tveggja ára síðan 6. júlí.

Smá vandamál við myndbirtingu

Halló elskurnar mínar, nú er ég komin heim í Stykkishólm. Fríið mitt loks búið og nú tekur alvara lífsins við. Ég keyrði snemma í morgun vestur í fljúgandi hálku, alveg með hjartað í buxunum en það gekk samt alveg ljómandi vel. Svo fer ég að vinna kl. 15.00 og verð að vinna alla helgina nema ekki á laugardaginn. Ég ætla að fara eina ferð sem kokkur með Baldri, það bráðvantaði kokk og ég sló til. Það verður bara gaman því það er orðið langt síðan ég fór síðast sem kokkur. Vonandi verð ég ekki sjóveik, var reyndar aldrei sjóveik en maður veit aldrei hvað gerist en veðrið verður ekki gott. Það urðu smá mistök við myndbirtinguna af dönsku barnabörnunum hjá mér þið verðið að fyrirgefa mér það. Er ekki alveg búin að læra að gera þetta rétt en bráðum kemur Drífa vestur og þá ræðst ég á hana og læt hana kenna mér að gera þetta rétt. En nú verð ég að hlaupa........ vinnan bíður

Allt tekur enda..., líka fríið í Danmörku

Þá er kominn mánudagur og ég fer heim á morgun. Tíminn hefur eiginlega flogið áfram. Við fórum í tveggja tíma gönguferð í gær í góðu veðri en það er samt að kólna hér smám saman. Danir eru greinilega ekki eins snemma á ferðinni með jólaskeytingarnar eins og Íslendingar en samt er aðeins byrjað að skreyta hér í búðum og eins úti á göngugötunum en þeir kveikja ekki á ljósaskreytingunum fyrr en eftir tvær vikur eða svo. Reyndar oppnuðu þeir jólalandið í Århus og Tivoli í Køben á föstudaginn og fólk er greinilega farið að kaupa jólagjafirnar. Það verður jólasemming hjá okkur í kvöld, við ætlum að elda ekta danska jólaönd og svo fer ég bara heim á þriðjudagsmorgun. Hlakka samt til að koma heim til Friðriks míns. Meira seinna, litla barnið er vaknað..........

Halloween Afmæli

Hér var mikið fjör í allan dag, 12 skvísur bæði íslenskar og danskar mættu uppdressaðar í Halloweenbúningum í afmælisparty Elísu kl.12 á hádegi. Borðaður þessi fíni réttur a la Sverrir hakk og spagettí og súkkulaðikaka á eftir. Elísa var búin að skreyta húsi í anda Hrekkjavökunnar með kóngulóarvef og graskerjum og draugum og þetta varð hin skemmtilegasta veisla. Það sem ég var hrifnust af var hvað dönsku börnin eru stundvís. það var komið á mínótunni 12 og síðan voru þau sótt á mínótunni hálf 3 en þá var afmælið búið. Lovísa er algjört skott og getur aldrei verið kyrr en hún er ósköp góð en prinsinn er algjört draumabarn, drekkur og sefur þess á milli. Það var komin tími til að Sigga og Sverrir fengju rólegt og vært ungabarn. Læt þetta duga í bili ........

Komin til Danmerkur

Þá er ég kominn til Danmerkur og þetta fallega land heilsaði með yndislega fallegu veðri, sól og blíðu og 14 stiga hita. Hrafnhildur vinkona hitti mig á Kastrup og við eyddum deginum saman þangað til ég þurfti að taka lestina til Horsens um hálf sex leytið. Var komin til Horsens kl. 20:30 og tóku Sverrir og Elísa á móti mér á lestarstöðinni. Þegar við komum heim var Lovísa litla sofnuð en Victor Máni í fullu fjöri. Hann er algjör dúlla og líkur báðum systrum sínum og þó ekki. Síðan var farið að hvíla sig enda dagurinn búinn að vera langur hjá mér. Við Sigga tókum það bara rólega i dag, fórum í Bilka til að kaupa það sem Siggu vantaði til undirbúnings fyrir afmælið hennar Elísu sem er á laugardaginn, hún verður sem sagt níu ára. Sem sagt yndisleg að vera hér í rólegheitum og "hygge sig" ved julestemning. På gensyn mine venner.

Sunnudagspása

Ég sit hér og nota tíman til að blogga því Guðný og Árni komu í heimsókn og tóku Sunnevu með sér í bíltúr. Blessað barnið var dauðfegin að vera laus við mig smá stund og ég verð að vera hreinskilin, ég var dauðfegin að fá smá hlé frá henni. Hún er algjör orkubolti og þar heilmikla eftirtekt og er algjör herforingi að auki. " Amma ég ræð hér" sagði hún um daginn. En annars er hún voða góð og þæg, ég er bara ekki í "æfingu" í barnastússi lengur.

Andri er oftast búin að vera voða góður en hann er bara svo þrár og svo gegnir hann ekki fyrr en maður er orðinn reiður. En þetta hefur samt gengið mjög vel. Hann fékk að gista hjá Helgu frænku sinni síðast liðna nótt og svo komu þau um 11 leytið í morgun í nýbakaða kanelsnúða og gerðu þeim góð skil.

Friðrik minn er heima lasinn og ég vona að Arna og Gerða sem komu vestur í heimsókn hugsi nú vel um hann fyrir mig. Ég segi nú bara svona því ég veit að þær dekra við hann. Hann sem verður aldrei veikur að eigin sögn fékk svo svæsna hálsbólgu að hann gat ekki talað. Hann treysti sér ekki í vinnu á föstudaginn og það gerist nú ekki oft.

Nú er prófkjöri lokið hjá sjálfstæðismönnum í Reykjavík og úrslit komu ekki mjög á óvart. Vilhjálmur vann Gísla Martein með þó nokkrum mun og er ég persónulega ánægð með það. Ég kann ekki að meta Gísla Martein finnst hann svo ágengur og æstur. Held að hann ætti bara að drífa sig og klára stjórnmálafræðina og reyna svo aftur eftir 4 ár á réttum forsemdum og vonandi reynslunni ríkari. Því eins og Spaugstofan söng um "Það gengur bara betur næst"...

Barnfóstrustörf dagur eitt.

Þá er fyrsti dagurinn minn með börnunum að verða komin að kveldi. Börnin eru löngu sofnuð og voru fjarskalega góð við ömmu sína fyrir utan kastið sem Andri fékk í morgun þegar hann hélt að hann væri að verða of seinn í skólann. Hann kom heim úr skólanum um tvö leytið og lærði, fór síðan á fótboltaæfingu. Ég sótti Sunnevu á leikskólann um fjögurleytið og sótti síðan Andra um kl. hálf fimm. Við borðuðum um hálf sjö, síðan var leikið sér smá stund og svo burstaðar tennur og lesin ein bók. Svo fóru þau að sofa og hafa ekki rumskað. Ég tók Sunnevu sofandi upp og setti hana á koppinn og hún pissaði steinsofandi. Þau eru sem sagt algjörir englar elsku krúttin mín.

Aftur í frí

Jæja þá er komið að því að klára sumarfríið. Ég ætla að skreppa suður til Reykjavíkur og passa Andra og Sunnevu á meðan Kristín og Jónas fara til Póllands í fjóra daga. ´Vonandi gengur það vel, ég hef svo sem ekki áhyggjur af öðru en að ég verði ekki orðin góð í bakinu en það er ég ekki enn. Svo þegar þau koma heim fer ég til Horsens að heimsækja Danina mína sem ég hef ekki séð síðan á áramótum og Victor Mána hef ég bara séð á myndum. Ég hlakka mikið til og vona að ég verði þokkalega heppin með veður.

Þetta er hann hann Andri Freyr. Hann er algjör fótboltadellustrákur og virkilega góður í boltanum. Hann er núna að jafna sig eftir hálskyrtlatökuna og ætlar að hjálpa ömmu gömlu að passa systur sína.

Þetta er svo skottan sjálf hún Sunneva Ósk. Hún er algjör frekjudrós en alveg einstaklega skemmtilegur og duglegur krakki.

Jæja elskurnar mínar læt þetta duga í bili, er að verða of sein í vinnuna. Blogga meira þegar ég er komin í bæinn og læt vita hvernig barnfóstrustarfið gengur.

Kvöldvaka

Jæja þá er fríhelgin mín að verða búin og hún fór eiginlega í ekki neitt. Ég er búin að vera í algjöru letistuði, ætlaði að pakka inn jólagjöfunum til Dananna minna því það styttist óðum í að ég fari til Horsens og ætla að taka jólagjafirnar með og spara mér sendingarkostnaðinn hjá póstinum. Það er nú ákveðin ástæða fyrir letinni í mér því ég var svo óheppin að "fá í Bakið" og hef eiginlega legið bakk í dag en er samt á "hægum batavegi" eins og sagt er.

Drífa hringdi frá Japan í kvöld búin að pakka niður og fer til Tokio snemma í fyrramálið og verður þar eina nótt og heldur þá til Danmerkur. Ætlar að stoppa þar í tvo daga og fer þaðan til Svalbarða með vinum sínum í Nordjob. Hún kemur heim þann 13. nóv og er þá búin að vera erlendis síðan í byrjun júlí. Það verður gaman að fá hana heim.

Snæfell er að spila í deildinni í þessum skrifuðu orðum og ég ákvað að vera ekkert að svekkja mig á því að fara á leikinn. Frétti seinna í kvöld hvað þeir töpuðu stórt. Æi, þetta er ekki fallega sagt, kannski vinna þeir núna. Það eru ekki alltaf jólin í þessu sem öðru. Læt þetta duga í bili, ætla að drífa mig í rúmið svo ég verði hress og dugleg á morgun hm.............

Veðrið kl. 16:30 þann 28.10.2005

Íhaldssemi

Er það ekki skrítið hvað fólk er ihaldsamt? Mig rak í rogastans þegar þeir háu herrar hjá ríkissjónvarpinu breyttu veðurfréttunum sínum. Í staðin fyrir hinar "gömlu og góðu" veðurfréttir standa veðurfréttamennirnir fyrir framan risastóra og kolgræna (þoli ekki framsóknarlitinn) mynd af Íslandi með eitthvað "apparat" sér í hönd sem þeir nota til að skipta um myndir á skjánum og eru á sífelldu vappi til að standa ekki fyrir því sem fólk á að taka eftir á skjánum. Er þetta frekar vandræðalegt og als ekki til bóta. Ég treysti því að Páll Magnússon, hinn nýji útvarpsstjóri og smekkmaður gangi í málið og lagfæri þessa hörmung. Og talandi um veður þá er grenjandi stórhríð svo sér ekki út úr augum og ekki hundi út sigandi. Ég er komin í helgarfrí og ætlaði að gera svo margt og mikið í dag. Átti líka von á gestum því Hjálmar, Arna og dætur ætluðu að koma og vera hjá okkur yfir helgina og svo átti að slá upp borðhaldi á Víkurgötunni á morgun en Erla, Siggi, og börn verða trúlega einu gestirnir ef veðrið lagast ekki fljótlega.

Framhald af síðasta bloggi

Erla bæjarstýra og Birta voru auðvitað með í göngunni en litlir fætur urðu svolítið þreyttir því gönguhraðinn var full mikill. Veitingarmaðurinn á Fimm Fiskum bauð öllum konur í kaffi og meðlæti af miklum "rausnarskap" gegn vægu gjaldi og fóru allar konur í kaffi og gerðu góðgætinu góð skil. Svo mikið fjölmenni var þar inni að ég týndi Erlu og Birtu og fann þær ekki aftur. Við höfðum minnst á að nú væri aldeilis veður til að fara í sund að loknum fundi þannig að ég dreif mig í sundlaugina og skellti mér mína venjulegu 600 metra (ekki hlægja é er smá saman að lengja þetta). Þegar ég var að klæða mig eftir sundsprettin komu þær mæðgur til að láta líða úr sér í heita pottinum. Erla hafði hringt í gemsann minn en ég ekki heyrt svo þannig fór nú það. Þetta var sem sagt alveg meiri háttar góður dagur og því miður koma víst aldrei tveir svona góðir dagar í röð, í dag er rok og kuldi úffffff betra að vera kappklæddur...........

Og veðurguðirnir sýndu samstöðu í verki !!!

Það er langt síðan að veðrið hafir verið jafn gott og í gær, þann 24. október þegar velflestar konur í Stykkishólmi hittumst í kvennfélagsgarðinum til að leggja sitt af mörkum í baráttunni fyrir bættum launakjörum kvenna til handa. Ég fór með því hugarfari að leggja baráttunni um bætt kjör til láglaunastétta (það eru aðallega konur, öryrkjar og ellilífeyrisþegar því miður) í þjóðfélaginu því ég er þeirrar skoðunar að konur geti sínum baráttumálum fram með öðru móti en að stofna sérstakar kvennahreyfingar og kvennalista o.sv.fr. En nóg um það.


Með Kristínu Ben í broddi fylkinga gengum við í skrúðgöngu "djúpleiðina" niður á Fimm Fiska, þar sem fóru fram ræðuhöld valinkunnra kvenna í tilefni dagsins. Höfðu konur á orði að fjölmennara væri þar en á sjálfan þjóðhátíðardaginn !!

Nú er frost á fróni

Þá er þessi helgin búin og kominn mánudagur 24. október. Fyrir 30 árum tóku konur sér frí frá hinu daglega amstri og komu saman til að mótmæla launamisrétti karla og kvenna. Þetta vakti heimsathygli og nú á sem sagt að endurvekja "kvennafrídaginn". Ég er á móti öllu sem heitir kvenna-eitthvað eins og kvennalisti, kvennafrídagur, und so weiter. Mín skoðun er sú að auðvita er ekki ennþá jafnræði í launum milli kvenna og karla og verður trúlega aldrei á þeim vinnustöðum sem eru einkareknir og auðvitað er það ekki gott. En á mínum vinnustað vantar ekkert upp á jafnréttið milli karla og kvenna, við erum öll á sömu lágu lúsarlaununum.

Snæfell lék seinni leikinn á móti Val í hópbílabikarnum og stóð sig svo illa að himnarnir grétu fögrum hvítum snjókornum og þegar leik var lokið þá var jafnt og jafnframt allt orðið hvítt úti. Þetta er afar jólalegt og sem betur fer einu skreytingarnar sem komnar eru hér í Hólminum í tilefni af væntalegum jólum og þær líka náttúruvænar því ef hlýnar þá hverfur þessi hvíta ábreiða um leið. Hér er semsagt frábært veður sól og vægt frost og jólasnjór...

Úr einu í annað

Er það ekki tybískt að fögru fyrirheitin fara fyrir lítið allt of oft? Ég hef ætlað að fara og synda á hverjum degi síðan ég kom heim en ekki haft mig í það. Ætla alltaf að fara á morgun !!!
En nú skal bæta ráð sitt og drífa sig. Ég ætla sem sagt að fara áður en ég fer að vinna í dag og fara svo í pottinn og láta líða úr mér eftir sundsprettinn. Var á fínu róli áður en ég fór í fríið og fór á hverjum degi og synti frá 700-1000 metra eftir því hvernig lá á mér. Ætla byrja rólega og synda bara 500 metra í dag.

Ég fór í Grundarfjörð í fyrradag til að fara í fótsnyrtingu. Það var mjög fínt og svo skemmtilega vill til að snyrtifræðingurinn býr í gamla húsinu mínu. 'Eg hef ekki komið þar inn síðan ég lokaði á eftir mér í ágúst 1996 og var bara mjög gaman að fá að skoða húsið og garðinn sem er orðinn virkilega gróinn og fallegur.

Svo styttist í Danmerkurferðina hjá mér og ég ætla að hitta vinkonu mína hana Höbbu sem býr rétt fyrir utan Köben áður en ég fer til Sverris og Siggu. Hlakka mikið til að sjá litla prinsinn sem er alveg yndislega fallegur og myndarlegur strákur. Meira seinna..........
P.S. Þetta eru dönsku ömmubörnin mín !!!

Besta vinkonan og maðurinn

Eg verð að segja ykkur frá því að þessi tvö sem er á þessari eru bestu vinir mínir. Ég elska þau bæði og þau hafa það sameiginlegt að vera svoooooooo skemmtileg. Ég bý með manninum en besta vinkonan mín bír í Wien og ég sakna hennar svo mikið Hún hefur alveg einstakan húmor og við getum grínast með alla hluti og Andrea mín þú verður að byrja að blogga þetta er virkilega gama og takk fyrir að kommenta á bloggið mitt. Ég var nýbyrjuð á þessu þegar mamma dó og er svona að læra að ná tökum á þessu. Láttu nú verða af því að blogga Ef þú kennarinn kemst ekki farm úr því þá skal ég éta hattinn minn og hana nú......................

Vetur kominn

Ekki lætur veturinn bíða eftir sér þetta árið. Búið að vera ískalt síðan við komum frá San Francisco og í gærkvöldi byrjaði að snjóa. Hugsið ykkur það var 12. oktober í gær og jörðin var alhvít, sennilega 10 cm snjólag og krapi á götunum þegar ég kom heim úr vinnunni um 11 leytið í gærkvöldi. Eins og gefur að skilja var þeg ekki kát með þetta því í dag þarf ég að fara suður og ég er á sumardekkjunum. Það er yfir fjallveg að fara svo þetta er ekki mjög spennandi.

Nú er líka vetrarvertíðin hjá meistaraflokki Snæfells í körfubolta að byrja í kvöld með leik á móti Hamri- Selfoss og verður fróðlegt að sjá hvernig heimamönnum gengur en þeir misstu 4 lykilmenn eftir síðasta leiktímabil til annarra liða bæði hérlendis og erlendis. Reyndar eru komnir aðrið í þeirra stað og einnig nýjir "útlendingar" en í æfingaleikjum hafa þeir ekki staðið sig vel og er þeim því miður spáð falli í deildinni. En eins og alltaf "spyrjum að leikslokum"........

Blómin hennar Andreu

.....
Þetta eru blómin á akrinum við sumarbústaðinn hennar Andreu vinkonu í Podesdorf við Neusiedlersee. Neusiedlersee er vatn í Austurríki rétt við landamæri Ungverjalands, meiriháttar fallegt svæði og aðeins þriggja kortera akstur frá Vínarborg. Ég skrifa þetta vegna þess að mér tókst loksins að setja mynd inn á bloggið og hef ekki minnstu hugmynd um hvernig ég fór að því........ Ég er algjör snillingur ha ha ha

"Að vera klukkuð"

Þá er sumarfríið mitt búið í bili og ég er strax dottin í vinnurútínuna af fullum krafti. Við komum heim á fimmtudagskvöldið og vorum þá búin að vaka næstum tvo sólarhringa. Ég fór á morgunvakt á föstudeginum og átti svo helgina líka. Þetta varð löng helgi þar sem stelpurnar okkar í 8 og 9 bekk voru að keppa á fjölliðamóti sem haldið var hér í Hólminum ásamt Grindvíkingum, Keflvíkingum, Haukum og 'IR. Þeim gekk nú ekkert sérlega vel en þetta var samt mjög skemmtilegt. Ég var að vinna til kl. 21:00 og fór beint í mat úr vinnunni til Erlu bæjarstýru sem sá aumur á Jóni Erni, pabba sínum og mér og gaf okkur að borði þetta líka dýrindis læri með öllu tilheyrandi. Ef hún hefði ekki boðið okkur í mat þá lægjum við eflaust veik með "brauðeitrun" hér á þessum bæ. Þetta var í fyrsta skipti sem ég fer til Erlu í heimsókn og líst mér bara vel á húsið hennar.

En svo að ég víki nú aftur að titil þessara skrifa " að vera klukkuð" Það þýðir sem sagt að þá verður maður að skrifa hér fimm atriði sem fáir vita, um sjálfan sig og "klukka" fimm aðra. Elsku prakkarinn hún Drífa "klukkaði" mig þannig að ég get ekki verið þekkt fyrir annað en að taka þessari áskorun hennar.

1. Ég er alveg hætt að reykja jibbíiiiiiii ( reyki ekki einu sinni í laumi!!!!)

2. Er mjög viðkvæm inn við beinið, fer alltaf að gráta yfir sorglegum bíómyndum sniff, sniff...

3. Ég er gjörsamlega áttavilt í stórborgum, fer alltaf í öfuga átt við það sem rétt er........

4. Þoli ekki að vinna með fólki sem er latt og sérhlífið, allt of margir sem ég vinn með eru þannig

5. Vildi að ég væri í þínum sporum Drífa mín og gæti ferðast svona um heiminn, ætla að gera það í næsta lífi..........

Og þá er best að ég klukki Dóru Lind og Svönu Björk og vona auðvita að þær taki þessari áskorun........

Núna er ég í óðaönn að taka upp úr ferðatöskunum sem ég hef ekki mátt vera að fyrr en í dag. Ég á frí í dag og ætla að drífa mig í að klára töskuskammirnar. Merkilegt hvað er%2

Alltaf batnar tad !!!!

Vorum ad koma fra tvi ad vera i Castro a Carnivali homma og lesbia og tad var ogleymanlegt. Eg hefdi ekki truad hvad mikid er til af gay folki og skrautlegum karakterum. Tarna voru samankomnir ad minnsta kosti 200.000 manns og vid aetludum aldrei ad komast i burtu. Sidan forum vid nid'ra hofn og bordudum tar. A morgun forum vid i vinsmokkun i Napavalley og timinn hreinlega flygur afram. Eg held ad tetta se baedi fallegasta og skemmtilegasta borg sem eg hef komid til her i Bandarikjunum. Meira seinna. Eg er tvilikt treytt, buin ad labba sidan i morgun og klukkan er ad verda 22:00 Goda nott elskurnar

Dragshow i San francisco

Eg veit ad tid truid tvi ekki en vid Fridrik alpudumst inn a Asiskan veitingarstad i kvold um kl. 6:30 og fengum okkur ad borda, nema ad tetta var fraegasti dragstadur i borginni med show og tilheyrandi og eg hef aldrei skemmt mer betur !!!!!!!!!!!!!!
Tetta var otrulegt og tad voru bara karlmenn sem unnu tarna og tad var ekki nokkur leid ad sja tad.

Eg elska San Francisco hun er otruleg. A sunnudaginn aetlum vid i heimsokn i Castro kverfid (tad er hommakverfid her) og heimsaekja tvo menn (kaerustupar) . Tad er risa festival og markadur tar a sunnudaginn og vid aetlum ad hitta ta tar tvi annar teirra byr tar og aetlar ad syna okku um kverfid.

Meira seinna. Cooooooooooooooooool

San Francisco

Tessi borg er hreint ut sagt alveg meirihattar !!! Her er tvilikt fallegt og margt ad sja. Er buin ad labba a tveimur jafnfljotum um alla borgina eda naestum tvi. Fara i hippakverfid, hommakverfid, snobbkverfid, hafnarkverfid, sja brottustu og krokottustu gotu i Bandarikjunum sem heitir Lombartstreet. Og allar budirnar my god !!! Her er samt ekki gott ad versla og allt mjog dyrt. Fridrik byrjar a radstefnunum a morgun og ta verd eg ein mins lids og aetla ad rolta i budirnar. Meira seinna, bid ad heilsa a klakann..........

Ferðalag framundan

Jæja nú er komið að því að taka sumarfrí.., á eftir helmingin af fríinu mínu og er að fara til borgar homma og lespía með Friðrik sem sagt San Francisco. Alveg síðan Woodstock var haldin hefur mig langað þangað og séð í hillingum hippa og blómabörn, er af þeirri kynslóðinni. Ég er ákveðin í að sjá allt markvert og skemmta mér undir drep. Ég skoða nú ráðstefnuna hans Friðriks lauslega og svo ætlum við bara að hafa það gott.

Annars hafa síðustu dagar hér í Hólminum verið mjög fallegir. Haustlitir út um allt og veðrið hefur verið frábært, sól og logn. Við fengum sem sagt smá framlengingu á sumarið sem var hundleiðinlegt bæði kalt og vindasamt og blautt.